Жаңақала аудандық сотында кездесу өтті
Жаңақала аудандық сотында ағымдағы жылдың ақпан айында пробация қызметінің есебінде тұрған адамдарға әлеуметтік-құқықтық көмек керсету аясында меморандум бекітілген болатын.
Аталмыш меморандумға сәйкес Жаңақала аудандық соты пробация қызметінің есебінде тұрған сотталушылармен кездесу өткізді. Шараға аудандық сотының судьясы Мереке Шүкіров, халықты жұмыспен қамту орталығының директоры Жанболат Бактигереев, пробация қызметінің инспекторы Индира Тажиева және психолог қатысты.
Шара барысында судья Мереке Шүкіров меморандумның негізгі мақсаты сотталған адамдардың жұмыспен қамтамасыз ету арқылы қайталап қылмыс жасауды болдырмау екенін түсіндіріп өтті. Қоғамның қауіпсіздігін қамтамасыз ету үшін бас бостандығынан айырумен байланысты емес жаза тағайындалған тұрақты жұмысы жоқ сотталушыларды бір ай мерзім ішінде жұмысқа орналастыру бағытында бір қатар шаралар атқарылып жатқанын атап өтті.
Кездесу барысында халықты жұмыспен қамту орталығының директоры Жанболат Бактигереев және психолог өз ойларын білдіріп, пробация қызметінің есебінде тұрған сотталушыларға психологиялық тест жұмыстарын өткізді.
Шара соныңда судья Мереке Шүкіров сот жүйесінде жүргізіліп жатқан жұмыстар жөнінде айтып, қатысушылардың сұрақтарына жауап берді.
[xfvalue_img]
17 пікір