Тұрғындар шенеуніктен сот ісін жеңіп алды
Орал қаласының №2 сотымен «Журналистік бастама» ЖШС-не, «Уральская неделя» газетінің бас редакторына және Новопавловка кентінің екі тұрғынына қойылған ауылдық округ әкімінің талап-арызы бойынша азаматтық іс қаралды.
Әкім жарияланған «Новопавловка просит слово» атты мақаладағы мәліметтерді шындыққа жатпайды деп, оның ар-намысы мен қадір-қасиетін қорғауға, сондай-ақ моральдық зиянды өтеу есебіне барлық жауапкерлерден 100 000 теңгеден өндіруді сұрады.
Сот талапты толықтай қанағаттандырусыз қалдырды. Сот тұрғындардың сөздері тіл тигізетіндей емес, ақпараттық мағынада болған, жай әкімнің, лауазымды тұлға ретінде қызметінің сын-ескертпесі ретінде айтылған және ар-намысы мен қадір-қасиетіне нұқсан келтіретін сөздерге жатпайды деп санады.
Газет басылымы мақаланы тұрғындардың және әкімнің өзінің де сұхбаты негізінде жариялады, сондықтан бас редактор да «БАҚ туралы» Заңның 26-бабына сәйкес жауапты болып табылмайды.
Бұдан басқа, сот Орал қаласының прокуроры және аудан әкімі атына іс бойынша сауалға жауап берген куәгерлердің көрсетулерімен анықталған заң бұзушылық фактілері бойынша жеке ұйғарым шығарды. Бұл фактілер жеке ұйғарым шығарлыған органдармен тексеріледі және тиісті жауапкершілік шаралары аталған органдармен қарастырылады.
Сот шешімі мен жеке ұйғарым заңды күштеріне енген жоқ.
Орал қаласының №2 соты
[xfvalue_img]
