«Түнгі сот» пилоттық жоба аясында әкімшілік іс қаралды
Жаңақала аудандық сотында адамдарға ыңғайлы және әкімшілік істі қысқа мерзімде қарауды көздейтін «Түнгі сот» пилоттық жобасын жүзеге асыру аясында сағат 18.00-22.00 аралығында ӘҚБтК-тің 73-2-бабының 1-бөлігімен (ұрып-соғу фактісі бойынша) азамат А-ға қатысты әкімшілік құқық бұзушылық туралы іс қаралды.
Әкімшілік құқық бұзушылық хаттамасына сәйкес, құқық бұзушы «А» Жаңақала ауылында орналасқан үйінде інісі «Ж»-ға тиісіп, қол жұмсап, оң жақ көзінен ұрып-соғып, тән ауруына ұшыратқан
Сот отырысында әкімшілік жауапкершілікке тартылған құқық бұзушы мен жәбірленуші медиативтік келісімге келіп, келісім бойынша құқық бұзушы заңсыз әрекеттер жасағаны үшін кешірім сұрап, ал жәбірленуші құқық бұзушыны кешіріп, татуласуына байланысты істі өндірістен тоқтатуға өтініш білдірді.
Сот, тараптармен қол қойылған медиативтік келісімді бекітіп, ҚР ӘҚБтК-нің 73-2 бабының 1-бөлігімен қозғалған әкімшілік істі ӘҚБтК-нің 64 бабы негізінде істі тоқтатты.
Қаулы заңды күшіне енген жоқ.
Жаңақала аудандық сотының баспасөз қызметі
Батыс Қазақстан облысы
[xfvalue_img]
