Есірткі заттардың заңсыз айналымы жөніндегі істерді қараудағы сот тәжірибесі

Батыс Қазақстан облыстық сотында «Есірткі заттардың заңсыз айналымы жөніндегі істерді қараудағы соттың тәжірибесі» тақырыбында дөңгелек үстел өткізілді.

          Дөңгелек үстел жұмысына облыстық соттың судьялары, Батыс Қазақстан облыстық прокуратурасы, Батыс Қазақстан облысы бойынша ұлттық қауіпсіздік Комитеті Департаменті, Батыс Қазақстан облысының полиция Департаменті, Орал көлік прокуратурасы, ҚР ІІМ көліктегі полиция Департаментінің Орал қаласы станциясындағы желілік бөлімінің өкілдері сондай-ақ, бейнеконференцбайланыс арқылы аудандық және оған теңестірілген соттардың төрағалары мен судьялары қатысты.        

           Қылмыстық істер жөніндегі алқа төрағасы А.Жұмағұлов дөңгелек үстел жұмысын аша отырып, алдын-ала тергеу органдарына аталған санатты істер бойынша алдын - ала тергеу амалдарын жүргізген кезде оперативті іздестіру шараларын мұқият жүргізіп, тергеу әрекетінің жедел сатып алу шарасын  бейне жазбаға жазған кезде басынан бастап  есірткіні тапсырған сәтіне дейін бекіту керектігін, сонымен қатар, күдіктінің айтқан  айғақтарын  жан – жақты тексеріп, анықтау,  куәні, тергеу амалдарына қатысқан тұлғаларды  жауаптауды мұқият   жүргізу, тергеу кезінде процессуалдық бұзушылықтарға жол бермеу, себебі бұзушылықтар орын алған жағдайда әрі қарай дәлелдемелердің жарамсыз деп танылуына әкелуі мүмкін екендігін,- айтып өтті.

Орал қалалық сотының судьясы Н.Джунусова өз баяндамасында есірткі заттардың айналымына байланысты қылмыстық істерді сотта қараудағы көкейтесті мәселелердің бірі – алдын-ала тергеудің сапасы болып табылатындығын түсіндіріп, есірткі, психотроптық заттардың, сол тектестер мен прекурсорлардың заңсыз айналымына қатысты санаттағы қылмыстық істер бойынша заңнаманы қолдану тәжірибесі туралы айтып, осы санаттағы қылмыстық істер санының жылдан жылға артып жатқандығын көрсетіп, статистикалық деректер келтірді.Сондай-ақ, заңсыз есірткі айналымына қатысты тұлғалардың қылмыстық деректерін құжаттау, қылмыстарды тергеп-тексеру кезіндегі проблемалар туралы БҚО прокурорының орынбасары А.Цуранков, БҚО бойынша ҰҚКД 5-ші басқармасының басшысы С.Токтаргазин, БҚО ПД Тергеу басқармасы басшысы Ш.Абдраманов, БҚО ПД есірткі айналымымен күрес Басқармасының бастығы А.Хлевиннің баяндамалары тыңдалды.

Іс-шара модераторы М.Бақтығұлов  осындай іс-шаралардың жиі өткізілуі соттардың қылмыстық нормаларды дұрыс қолдануларына мүмкіндік беретініне сенімін білдірді. 

Дөңгелек үстелді қорытындылай келе, қатысушылар есірткі заттардың заңсыз айналымына қатысты қылмыстық істер бойынша өзекті мәселелерді талқылады.

Нұргүл Қанатбаева

Батыс Қазақстан облысы бойынша Соттар Әкімшісінің ақпараттық қамтамасыз ету бөлімінің бас маманы-баспасөз қызметінің маманы