«Түнгі Сот» Пилоттық жоба бойынша Меморандумға қол қойылды
Батыс Қазақстан облысы Тасқала аудандық сотының төрағасы Асланбек Дүйсенғалиев «Түнгі сот» пилоттық жобасын іске асыру бойынша дөңгелек үстел өткізді. Шараға аудан прокуроры Мейірхан Ізімов, полиция бөлімінің бастығы Нұркен Шамғалиев, қорғаушы Анар Таужанова және кәсіпқой емес медиатор Жания Сулейменова қатысты.
Өз баяндамасында сот төрағасы Асланбек Дүйсенғалиев дөңгелек үстел қатысушыларға ағымдағы жылдың ақпан айыннан бастап әкімшілік істерді қарайтын республика соттарында «Түнгі сот» пилоттық жобасы енгізілгені түсіндірді. Аталған пилоттық жоба отбасы-тұрмыстық қатынастары саласында, денсаулыққа қасақана жеңіл зиян келтіру, ұрып соғу, жол қозғалысы ережелерін бұзу саласындағы әкімшілік істер бойынша әкімшілік жауапкершілікке тартылатың тұлға кінәсін мойындаса және жазбаша келісім берсе, сағат 18.30 бастап 22.00 дейін тұлғаға қарсы істі Түнгі сотпен қарайтыны мүмкіндік бар. Пилоттық жобаны іске асыру азаматтардың құқық бұзушылық жасаған сәттен бастап 24 сағат ішінде және жұмыс күні ішінде азаматтар үшін қолайлы болатын мерзімде тиімді әкімшілік іс жүргізу құқығын қамтамасыз етеді.
Дөңгелек үстел аясында сот, прокуратура, құқық қорғау органдары, қорғаушы және кәсіпқой емес медиатордың арасында өзара ынтымақтастық туралы меморандумға қол қойылды.
Миргүл Утишкалиева
БҚО, Тасқала аудандық сотының кеңсе меңгерушісі
[xfvalue_img]
