Билер Кеңесінің кезекті жиналысы.
Жуалы ауданының әкімшілігінде «Билер Кеңесінің» кезекті отырысы өткізілді.
Аталған отырысқа соттың төрағасы Б.И.Мүлкібаев, аудандық ардагерлер кеңесінің төрағасы Е.А.Амамбеков, медиаторлар К.Дауренов, С.Токбергенов, А.Дүрәліұлы, У.Рахметов, М.Рахметов, М.Нұрпеисов, А.Катымханов, ауданның 14 ауылдық округінің билер кеңесінің мүшелері және БАҚ өкілдері қатысты.
Е.А.Амамбеков отырысты аша отырып, аталған жиналыстың маңыздылығын атап, жақын арадағы мақсаттарға жетуге және оларды дамытуға қатысты басымдықтардың алғышарттарын сипаттады, атап айтқанда ауылдарда болып жатқан дауларды билер кеңесінің мүшелерімен сотқа дейінгі іс жүргізусіз шешуді айта кетті.
Аудандық ардагерлер кеңесінің төрағасы бітімгершілік хаттасымен ауылдық округтардағы билер кеңесінің мүшелерін таныстырып, оларға бітімгершілік арқылы шешіліп жатқан даулар бойынша нақты нәтижелердің қорытындысы туралы мәліметтерді үнемі беріп отыруды түсіндірді. Ауылдарда болып жатқан жанжалдар мен дауларды бірінші анықтайтын жергілікті учаскелік полиция қызметкерлерімен тығыз қарым қатынас орнату ұсыныстары берілді.
Сонымен қатар, Төбе Би А.Дүрәліұлы сөз алып билер кеңесінің мүшелеріне аталған бағытта негізгі жұмысты атап өтіп осы салада қандай мақсаттарға жету керектігі бойынша нақты нұсқау берді.
Өз кезегінде соттың төрағасы Б.И.Мүлкібаев өзінің баяндамасында билер кеңесінің мүшелеріне, 7 тармақтан тұратын «Жамбыл облысының билер кеңесінің ережелері» жобасын түсіндірді. Аталған жоба билер кеңесінің негізгі өкілдігі, мақсаттары, жұмыс тәртіптері көрсетілгенін айта кетті. Аталған ереженің Билер Кеңесінің мүшелерінде медиатор сертификаты болуы талаптың бірі екендігі ескертілді.
Қатысушылармен Билер Кеңесінің жұмысы туралы басқа да мәселелер қозғалды.
Отырыстың қорытындысы бойынша қатысушылар алдағы жұмысқа оң бағыт алды.
Жуалы аудандық сотының баспасөз қызметі
[xfvalue_img]
