Тіл – халықтың басты белгісі
Қашаннан да елдіктің қайнар көзі – белгілі бір халық екендігі белгілі. Тарихи тұрғыдан келгенде, қандай болмасын мемлекет әдетте ұлттық мемлекет ретінде пайда болады. Оның мемлекеттік құрылтайшысы, әрі әлеуметтік базасы белгілі бір этникалық қауым болып табылады. Тарихи және жалпы азаматтық практикада, бұл солай. Яғни, ел болған жерде оның тілі-мемлекеттік тіл болуы керек. Біздің еліміз қазақ елі болғандықтан, мемлекеттік тіліміз де қазақ тілі. Бұл Ата заңымыздың 7-бабында «тайға таңба басқандай» етіп, мемлекеттік тіл – қазақ тілі деп атап көрсетілген. Сондықтан да мемлекет өз тілін сақтап, оның қолдану өрісін кеңейту үшін қолдан келгеннің бәрін жасау керек. Тәуелсіз Қазақстанда тіл мәселесіне айтарлықтай көңіл бөлініп келеді. Өйткені тіл - біздің ана тіліміз - Туымыз, Ел таңбамыз, Ән ұранымыз бен қатар біздің елдігіміздің басты белгілерінің бірі болып саналады. Тіл тарихы халық тарихына ұқсас. Қоғамның жылжып, өзгеруіне байланысты тіл де дамып, өзгеріп отырады.
Бүгінде мемлекетіміз – Қазақстан Республикасының әлем мойындаған егеменді ел екені, оның халқының көңілі кең екендігі ұлттар мен ұлыстармен терезесі тең екендігіне әлемге аян. Сондай –ақ мемлекеттік тілдің мәртебесі мен бүгінгі жағдайы баршамызға белгілі.
Қазақстан Республикасының мемлекеттік тіліне, яғни қазақ тіліне көп көңіл бөлу керек. Соған байланысты Мемлекеттік тіл – мемлекеттің бүкіл аумағында қоғамдық қатынастардың барлық саласында қолданылатын мемлекеттік басқару, заң шығару, сот ісін жүргізу және іс қағаздарын жүргізу тілі болып табылады. Қазақстан халқын топтастырудың аса маңызды факторы болып табылатын мемлекеттік тілді меңгеру – Қазақстан Республикасының әрбір азаматының парызы болып саналады.
Қазақстан Республикасының мемлекеттік тілін, яғни қазақ тіліне көп көңіл бөлуі керек. соған байланысты Мемлекеттік тіл – мемлекеттің бүкіл аумағында қоғамдық қатынастардың барлық саласында қолданылатын мемлекеттік басқару, заң шығару, сот ісін жүргізу және іс қағаздарын жүргізу тілі болып табылады.
Тіл – ұлттың ұлт екенін көрсететін ең басты белгі. Қай қоғамда болмасын тіл әр уақытта біріктіруші, ұйымдастырушы фактор қызметін атқарған. Оның түрлі салалары да тиесілі бағасын алып, тілдің қолданылу аясын кеңейтіп келеді. Ана тілінің негізі бесіктен бастау алып, мектеп қабырғасында қаланатынын ескерсек, онда мектептердегі қазақ тілі мен қазақ әдебиеті пәндерінің қазіргі заман талабына сай оқытылуы да аса маңызды. Бүгінгі таңда қазақ тілі еліміздің дара діңгегі ретінде қабылданғанымен, әлі де күн тәртібінен тіл тазалығы түспей тұрғандығы жанымызға батады-ақ. Бізді бір қуантарлығы, дәл қазір арамызда отанын, жерін, елін сүйетін нағыз қазақи рухтағы жастар легі өсіп келе жатқандығы. Олардың жанарындағы жалын, жүрегіндегі жігер, бойларындағы намыс кімді болмасын қуантатыны анық. Тіл мәселесі қашанда басты назарда тұрды. Өйткені қоғамның ілгері дамуы да, мәдениеттің өркендеуі де тілмен тығыз байланыста болады. Сондықтан да тіліміздің көсегесін көгертетін де, мерейін асқақтататын да тек қазақ халқы ғана емес, барша қазақстандықтар. Себебі қазақ тілі өзін Қазақстанның патриотымын деп санайтын әр азаматтың тілі. Тіліміздің мәртебесін көтереіп, оны дамыту – барлығымызға ортақ міндет. Мемлекеттiк тiл - мемлекеттiң бүкiл аумағында қоғамдық қатынастардың барлық саласында қолданылатын мемлекеттiк басқару, заң шығару, сот iсiн жүргiзу және iс қағаздарын жүргiзу тiлi. Тәуелсіздігіміздің негізгі тірегі – ұлттың тілі, діні, ділі. Тәңірдің адам баласына жасаған сыйы да – тіл. Қазақ тілі қазақ халқының ғана емес, Қазақстан мемлекетінің тіліне айналатын мәртебесі мен мерейі үстем болатын күн туды. Әр халқтың баст баылығы, баға жетпес қазынасы – ана тілі екендігі ақиқат. Ұлт тілін құрметтеу, оны білу - әрқайсымыздың асыл парызымыз.
Астана қаласы Есіл ауданының №2 аудандық сотының
Кеңсе меңгерушісі Ж.Ерназарова
[xfvalue_img]
35 пікір