Мейрамхана қызметкері денсаулыққа зиян келтіргені үшін моральдық зиянды өтейді
2017 жылдың 13 тамызында Астана қаласының Есіл ауданының ІІБ-не азаматша Т-дан хабарлама келіп түсті, онда ол «С» мейрамханасының қызметкері азаматша Ш-ны дене жарақатын тигізгені үшін қылмыстық жауапкершілікке тарту туралы өтініш берген.
Тергеу барысында азматша Ш-ның талапкердің беті мен бас бөлігіне соққы жасағаны анықталды.
Сот-медициналық сараптама қорытындысы бойынша талапкер қатты құралдардан тигізілген жарақат әсерінен зардап шеккендігі анықталды. Бұл жағдайлар денсаулыққа жеңіл зиян келтіру деп есептеледі.
Жауапкердің заңсыз іс-әрекеттері салдарыан талапкер еңбекке жарамсыздық демалысына баруға мәжбүр болды, ұйқы нашарлап, тәбеті жоғалды, бұл дәрігердің қорытындысымен расталады.
Астана қаласы Сарыарқа аудандық соты шешімімен жауапкерден моралдық зиян сомасы өндірілді.
Сот шешімі заңды күшіне енген жоқ.
Астана қаласы Сарыарқа аудандық сотының
баспасөз қызметі
[xfvalue_img]
