Әрбір қазақтың ана тілін білуі - парыз, білмегені - ұят
Бұл өмірде аз күн қонақ болармыз,
Мүмкін елу, мүмкін жүз жыл салармыз
Ана тілін ардақ тұтып, қастерлеп,
Құрметтейік келгенінше шамамыз!
Мемлекеттік тіл - Тәуелсіз елдің негізгі рәміздерінің бірі. Кез-келген өркениетті елдің өзінің Туы, Елтаңбасы, Әнұраны, шекарасы болатыны секілді мемлекеттік тілі де болады. Демек, мемлекеттік тіл де мемлекетіміздің негізгі атрибуттарының бірі. Біздің Ата Заңымызда «Қазақстан Республикасының мемлекеттік тілі- қазақ тілі, ал орыс тілі- ресми тіл және мемлекеттік тілмен бірдей қолданылады» деп айтылған. Біз Конституция талаптарын мүлтіксіз орындауға міндеттіміз.
Тіл-адамдардың қарым-қатынас құралы болғандықтан, ол сөйлеу әрекетінің арқауы болып табылады. Тіл- ұлт пен ұлтты жақындастыратын өзгеше қатынас құралы. Адам тіл арқылы бір-бірімен қатынаса алады.Қазіргі таңда,еліміз өз егемендігін алып, дербес мемлекет ретінде танылуда. Қазақстан Республикасының Президенті Н.Ә.Назарбаевтың «Қазақстан-2050» стратегиясы-қалыптасқан мемлекеттің жаңа саяси бағыты» аты Жолдауында: «Тілге деген көзқарас- шындап келгенде елге деген көзқарас екені даусыз. Сондықтан, оған бей-жай қарамаймыз.Қазақ тілі жаппай қолданыс тіліне айналып, шын мәнінде мемлекеттік тіл мәртебесіне көтерілгенде, елімізді «Қазақ мемлекеті»деп атайтын боламыз»- деген болатын. Мемлекеттік тіл- тәуелсіздігіміздің жырын жырлап, бұғанасн қатайтты. «Ұлттың сақталуына да, жоғалуына да себеп болатын нәрсенің ең қуаттысы -тіл» деген Ахмет Байтұрсыновтың қасиетті қағидасына сүйенсек, Ата заң аясында бақ-берекетіміздің сақталып отырғаны тіл саясатын да дұрыс жүргізудің жемісі екені анық. Тіл-халық қазынасы, ұлттың жаны. Тілдің мәселесі-ұлттың мәселесі. Отбасы өзіміз де, Отанымыз-Қазақстан! Қазақ тілі- тек қазақ халқының тілі емес, мемлекеттік тіл-ортақ тіліміз.Қазақстанда тұратын, оны «Отаным» деп қабылдайтын, өзін Қазақстанның патриоты деп есептейтін азаматтардың тілі. Елбасымыз айтқандай «Қазақстаның болашағы- қазақ тілінде». Ендеше, тілімізді- ұлтымызды, отбасымызды қадірлегендей қадірлейік!
Астана қалалық сотының
құжаттамалық қамтамасыз ету басқармасының
бас маманы - сот отырысының хатшысы
Бағжан Смағұлова
[xfvalue_img]
