Сот ғимаратына өту режимі.

Қазақстан Республикасы Жоғарғы Сотымен Қазақстан Республикасының Ішкі істер министрлігі бірігіп  2016 жылғы «5»  мамырдағы № 489 бірлескен бұйрығымен Қазақстан Республикасы Жоғарғы Сотының, Қазақстан Республикасы жергілікті соттарының, Қазақстан Республикасы Жоғарғы Сотының жанындағы Соттардың қызметін қамтамасыз ету департаментінің және оның аумақтық органдарының аумағында және ғимараттарында келушілер үшін өткізу және объектішілік режимдерді қамтамасыз ету жөніндегі қағидалар бекітілді. Мұғалжар аудандық соты бекітілген қағидаға сүйеніп сот ғимаратының ішкі тәртібін сақтау, сот төрелігін жүзеге асыруда басқа тұлғалардың тарапынан соттың қызметіне араласуды  болдырмау, сыбайлас жемқорлыққа жағдай тудыратын фактілерді ескерту және алдын алу мақсатында рұқсатнама және объектілік режимі туралы талаптарды мүлтіксіз орындау қамтамасыз етілуде. Сот ғимаратына  кіргізу жұмысын ұйымдастырудың мақсаты болып: сот ғимаратына, территорясына бөтен тұлғаларды кіргізбеу, ғимаратқа рұқсат етілмейтін заттар мен құрылғыларды кіргізбеу және шығармау, сот ғимаратының террористикалық қорғаныс деңгейін көтеру, судьялар мен қызметкерлердің, сотқа келіп кетушілер мен күзет қызметкерлерінің қауіпсіздігін және қорғамдық тәртіпті сақтау болып табылады.

Сотқа келушілерге, сот мәжілісі залында сот қызметкерлерінің рұқсатынсыз жүруге, сот мәжілісі барысында төрағалық етуші судьяның рұқсатынсыз бейне-жазба және фото түсірім жасалуға, ұялы телефон, пейджер және т.б. байланыс құралдарын қосуға, стендтерден сот құжаттарының үлгілерін алуға болмайды. Сот төрелігін жүзеге асыруға кедергі келтірген, сотқа құрметтемеушілік көрсеткен, ғимарат ішінде белгілінген тәртіпті бұзған тұлғалар және судьяның, сот приставы, сот қызметкерінің заңды талаптарын орындамаған жағдайда сотқа келушілер заңмен белгіленген тәртіпте әкімшілік жауапкершілікке тартылуы мүмкін.    Сондай-ақ, ғимаратқа кірер алдында күзет басқармасының қызметкеріне, сот приставына өзінің келу мақсатын хабарлауға, күзет қызметкеріне немесе сот жасауылына жеке басын куәландыратын құжатын көрсетуге, сондай-ақ мемлекеттік мекемедегі бекітілген қызмет тәртібін және қоғамдық орындардаға жүріп-тұру нормаларын сақтауға міндетті.

         Сонымен қатар, аудандық сотпен 2017 жылдың бірінші жартыжылдығында, Қазақстан Республикасының Әкімшілік Құқық Бұзушылық туралы Кодексінің 653 - бабы бойынша (сотты құрметтемеушілік) 4 әкімшілік іс түсіп, оның 3 іс бойынша қамау жазасы тағайындалып, ал 1 іс бойынша ескерту жазасы тағайындалды.

Мұғалжар аудандық сотының аға сот приставы  Б.Баимбетов