СҚО-ның үздік учаскелік полиция инспекторы Уәлиханов ауданында қызмет етеді
https://youtube.com/shorts/caXGs3jN31I?feature=share
Солтүстік Қазақстан облысында «Үздік учаскелік полиция инспекторы» байқауында алғаш рет ұзақ уақыттан кейін жүлделі екі орынды бірден ауылдық жерлерде қызмет ететін полицейлер иеленді.
СҚО ПД-де өткен кәсіби шеберлік байқауы аясында қатысушылардың дене дайындығы, нысана көздеу дәлдігі және заңнаманы білу деңгейі тексерілді.
Байқау жеңімпазы – Уәлиханов ауданы полиция бөлімінің қоғамдық қауіпсіздік бөлімшесінің учаскелік полиция инспекторы Ербол Қажыбаев. Екінші орынды Петропавл қаласы полиция басқармасының Екінші полиция бөлімінен Әсет Тұрсынов иеленді. Үшінші орын Тайынша ауданынан қатысқан Ануар Данияровқа бұйырды.
Уәлиханов ауданы – облыстағы аумағы ең үлкен аудан. Елді мекендердің арасы да алшақ орналасқан. Сондықтан учаскелік инспектор өзіне бекітілген аумақты жақсы біліп қана қоймай, тұрғындармен тұрақты байланыс орнатуы маңызды.
Ол – тұрғындар үшін заң мен тәртіптің негізгі өкілі. Адамдар қиын жағдайға тап болғанда көмек сұрап, ең алдымен учаскелік инспекторға жүгінеді. Тұрғындардың полицияға және жалпы мемлекетке деген көзқарасы да көп жағдайда оның жұмысына байланысты.
Ербол Қажыбаев ішкі істер органдарында 2017 жылдан бері қызмет етеді. Ол мамандықты патрульдік полицияда жұмыс істеген әкесінің үлгісімен таңдаған. Жұбайы да полиция қызметкері.
Ербол Қажыбаевтың жеңісі оның кәсіби дайындығын және ауылдық жерлердегі учаскелік инспекторлар қызметінің маңызын көрсетеді.
СҚО ПД баспасөз қызметі
[xfvalue_img]
