TikТok желісі арқылы адамдарды алдаған алаяқ ұсталды
«Алматы» ауданы полиция басқармасының қызметкерлері жедел-іздестіру іс-шаралары барысында интернет-алаяқтық дерегі бойынша күдікті азаматшаны ұстады.
Тергеу барысында анықталғандай, күдікті әлеуметтік желі, дәлірек айтқанда Tik-Tok платформасы арқылы жалған хабарландыру жариялап, әйелдер аяқ киімін сатамын деген сылтаумен азаматтарды алдаған. Ол сатып алушының сеніміне кіріп, алдын ала төлем жасату арқылы 15 мың теңге көлеміндегі қаражатты заңсыз иемденген.
Аталған фактіге қатысты «алаяқтық» бойынша сотқа дейінгі тергеу амалдары жүргізілуде. Ұсталған азамат кінәсін мойындады, оның елорда аумағында осыған ұқсас қылмыстарға қатыстылығы тексерілуде.
Астана қаласының Полиция департаменті азаматтарға қырағы болуға, бейтаныс адамдарға ақша бермеуге, күмәнді ұсыныстарға сенбеуге, әлеуметтік желілер мен интернет-платформалардағы күмәнді жарнамаларға сенбеуге; тауарды көрмей тұрып немесе сатушының сенімділігіне көз жеткізбей, алдын ала төлем жасамауға; жеке деректеріңізді (карта нөмірі, SMS-кодтар, құпия сөздер) бөгде адамдарға бермеуге кеңес береді.
Астана қ. ПД баспасөз қызметі
[xfvalue_img]
