Жамбыл облысында бұқаралық іс-шараларда қоғамдық қауіпсіздік шаралары күшейтілуде
Мәдени-бұқаралық және спорттық іс-шараларды өткізу кезінде қоғамдық қауіпсіздік пен құқықтық тәртіпті қамтамасыз ету мәселелеріне арналған кеңес Жамбыл облысы Полиция департаментінің күзет қызметін бақылау бөлімінің бастамасымен өтті.
Шараға Тараз қаласы әкімінің орынбасары Ұлана Сламбекова, облыс әкімдігі ақпарат және қоғамдық даму басқармасының басшысы Жанболат Нұрмолдаұлы, білім басқармасының басшысы Нұрбек Оршубеков, дене шынықтыру және спорт басқармасының басшысы Ернар Ибраимов, мәдениет және тілдерді дамыту басқармасының басшысы Ерлан Жүнісбай, сондай-ақ өңірдің жеке күзет ұйымдарының өкілдері қатысты.
Кеңес барысында бұқаралық іс-шараларды өткізу кезінде қоғамдық тәртіпті қамтамасыз етуге жеке күзет құрылымдарын тарту тетіктері талқыланды. Құқық бұзушылықтың алдын алу және ықтимал оқыс оқиғаларға жедел ден қою мақсатында ұйымдастырушылардың, күзет ұйымдарының және мемлекеттік органдардың іс-қимылын үйлестіру мәселелеріне ерекше назар аударылды.
ПД күзет қызметін бақылау бөлімінің бастығы Серік Әлдібеков өзара іс-қимылды күшейту азаматтардың қорғалу деңгейін арттыруға мүмкіндік беретінін атап өтті.
Жиынға қатысушылардың ішінде білім беру ұйымдарындағы күзет қызметін ұйымдастыруға қойылатын жаңа талаптар түсіндірілді. Құжат күзетшілердің біліктілігіне, техникалық жарақтандыруға және жедел қызметтермен өзара іс-қимыл тәртібіне қойылатын талаптарды қоса алғанда, оқу орындарында қауіпсіздік шараларын күшейтуді көздейді.
Кеңеске қатысушылар қауіпсіздіктің жаңа стандарттарын сақтау азаматтардың, әсіресе балалар мен жасөспірімдердің өмірі мен денсаулығын қорғаудың негізгі шарты, сондай-ақ төтенше жағдайлардың алдын алудың маңызды элементі болып табылатынын атап өтті.
[xfvalue_img]
