Қауіпсіз балалық шақ: полицейлер мен құтқарушылар СҚО мектептерінде қауіпсіздік сабақтарын жалғастыруда
Петропавлда полиция департаменті мен төтенше жағдайлар басқармасының қызметкерлері №29, №27 және №24 жалпы білім беретін мектептерінің оқушыларына арналған кезекті қауіпсіздік сабақтарын өткізді. Погон таққан мамандар бірнеше сыныптарда дәріс оқып, жол қозғалысы ережелерін сақтау, гаджеттерді пайдаланған кезде өрт қауіпсіздігі, жазатайым оқиғалардың алдын алу және қылмыстық қатерлерден қорғану секілді кең ауқымды тақырыптарды қамтыды. Сондай-ақ офицерлер балаларға «бетке торт лақтыру» сияқты жаңа, бірақ қауіпті әдеттің зардаптары туралы ескертіп, қатты безендірмелермен жарақат алу қаупін түсіндірді.
Кездесу барысында оқушылар офицерлерді қызығушылықпен тыңдап, өздерінің мінез-құлық алгоритмдерін еске түсіріп, бекіте түсті. Полицейлердің айтуынша, жасөспірімдер арасындағы қылмыстың азаюы (2025 жылдың 9 айында – 20 дерек, өткен жылы – 34 дерек) оң үрдіс болғанымен, бейқамдыққа жол беруге болмайды. Негізгі міндет – жауапты қызметтердің, мұғалімдер мен ата-аналардың бірлесе отырып, балалардың қауіпсіздігін қамтамасыз етуі, олардың білім алуына және бақытты балалық шақ кешуіне жағдай жасау.
«Заң және Тәртіп» тұжырымдамасы аясында өткізілетін мұндай алдын алу іс-шаралары заңға бағынатын әрі қауіпсіз қоғам қалыптастырудың маңызды құрамдас бөлігі болып табылады.
Юрий Клыков
СҚО ПД баспасөз қызметі
[xfvalue_img]
12 пікір