СҚО-ның полицейлері балаларға жарқын мереке ұйымдастырды: квесттен бастап кинологтардың көрсетілімдеріне дейін
https://youtube.com/shorts/oB4A18mjduo?feature=share
Халықаралық балаларды қорғау күні қарсаңында Солтүстік Қазақстан облысының полиция департаменті қызметкерлерінің отбасыларының балаларына арналған ашық аспан астында есте қаларлық мереке ұйымдастырды. Іс-шара Петропавл қаласындағы «Динамо» стадионында өтті.
Бағдарламада психологиялық квест, тәттілермен сыйлау және сурет байқауының жеңімпаздарын марапаттау рәсімі болды. Жеңіс күні қарсаңында ондаған бала өз таланттарын сурет байқауында көрсетті. Балалар тапсырманы үлкен жауапкершілікпен және шабытпен орындап, байқау қорытындысы бойынша ұйымдастырушылар үздік қатысушыларды дипломдармен және естелік сыйлықтармен марапаттады.
Марапаттау рәсімінен кейін балалар Солтүстік Қазақстан облысы полиция департаментінің арнайы жедел әрекет ету жасағы мен кинологиялық қызмет орталығы қызметкерлерінің әсерлі көрсетілімін тамашалады. Қолмен күрес әдістері, күрес элементтері және физикалық дайындықтың көрсетілімдері шынайы таңданыс тудырды. Кинологтың басшылығымен қызметтік-іздестіру иті есірткі заттарын іздеу қабілетін көрсетті, бұл да балалардың үлкен қызығушылығын тудырды.
Балмұздақпен сергіп алған соң, балалар «Демеу» орталығының тәжірибелі психологтары Резеда Баймұхамбетова мен Жұлдыз Саттарованың жетекшілігімен қызықты квестке қатысты. Бұл іс-шараның негізгі мақсаты — командалық өзара әрекеттесуді дамыту, біріктіру, салауатты өмір салтын насихаттау, сондай-ақ стресстер мен түрлі қауіптердің алдын алу.
Мұндай іс-шаралар балаларға ата-аналарының күрделі, бірақ өте құрметті мамандығын жақсырақ түсінуге көмектеседі, сондай-ақ полиция қызметкерлері отбасылары арасындағы байланысты нығайтады. Бұл күн, сөзсіз, балалардың есінде қалады және олардың басты мерекесі қарсаңында жарқын оқиғаға айналды.
Юрий Клыков
СҚО ПД баспасөз қызметі
[xfvalue_img]
26 пікір