Сақшылар лаундж бардағы кальян шегушіні анықтады
Кальян шегуге қатысты тыйымның мақсаты – азаматтардың денсаулығын сақтау және қоғамдық орындарда зиянды әдеттерді шектеу.
Лауазымды тұлғаның кальян өнімдерін тұтынуға арналған арнайы орындар бөлуді көздейтін Қазақстан Республикасының заңнамасын бұзу фактілерін анықтау мақсатында елордалық Полиция департаментінің учаскелік полиция инспекторлары ағымдағы жылдың басынан бастап қала аумағында орналасқан ойын-сауық мекемелеріне тексеру жүргізді.
Ойын-сауық мекемелерін тексеру барысында ҚР ӘҚбК-нің 441-бабында көзделген құқық бұзушылық фактілері анықталып, екі ойын-сауық мекемесіне қатысты әкімшілік хаттама толтырылды.
Қаланың лаундж барларының бірінде кальян шеккені үшін 21 жастағы азаматқа қатысты әкімшілік хаттама толтырылып, айыппұл салынды.
Астана қаласы Полиция департаменті азаматтарды заңнама талаптарын сақтауға, сондай-ақ қоғамдық орындарда кальян шегуден бас тартуға шақырады. Заң бұзылған жағдайда тиісті шаралар қолданылатын болады.
Астана қаласы ПД баспасөз қызметі
[xfvalue_img]
3 пікір