СҚО-да полицейлер кикбоксинг пен волейболдан бірінші орындарды иеленді
Петропавлда халықаралық дәрежедегі спорт шебері Азамат Нұрпейісовті еске алуға арналған «Қызылжар» халықаралық турнирі шеңберінде ерлер мен әйелдер арасындағы Қазақстан чемпионаты өтті.
Оған Қазақстанның 18 облысынан 245 спортшы қатысты. СҚО намысын 28 кикбоксшы, оның ішінде облыстық полиция департаментінің жылдам қимылдайтын арнайы жасағының төрт қызметкері қорғады.
86 кг. салмақ дәрежесінде (фулл-контакт) алтын медальді Ибрагим Беков жеңіп алды. Айдархан Қайруллин (81 кг, К1), Әл-Бұхарий Ирисметов (75 кг К1), Захарова Татьяна (+70 кг К1) күміс медальдарды иеленді.
Желтоқсан оқиғасына қатысушы Нұржан Қалиасқаровты еске алу шеңберінде өткен 27-ші жыл сайынғы волейбол турнирі Тәуелсіздік күніне арналды. Оған облыс орталығы мен СҚО аудандарынан 15 команда қатысты.
Биыл турнир алғаш рет олимпиадалық жүйе бойынша өтті: жеңілген командалар бірден жарыстан шығып отырды. Бұл формат жеңіс үшін күресті тартысты етіп, қатысушылардың бар күш-жігерін талап етеді.
Бірінші орынды СҚО полиция департаментінің командасы иеленіп, үздік атанды. Жүлдегерлер сыйлықтармен, кубокпен, медальдармен және дипломдармен марапатталды.
СҚО ПД баспасөз қызметі
[xfvalue_img]
53 пікір