СҚО-да полицейлер бір күнде 7 интернет-қылмысты ашты
ҚР Президенті Қасым-Жомарт Тоқаев өз Жолдауында айтқан "Заң және тәртіп" қағидатын іске асыру өмірдің барлық салаларында, оның ішінде ақпараттық жүйелерді пайдалануда қауіпсіздікті нығайтуды талап етеді.
СҚО аумағында интернет-алаяқтықпен күреске бағытталған "Аnti fraud" жедел-алдын алу іс-шарасы өткізілуде. ЖПІШ бірінші күнінде СҚО ПД криминалдық полиция басқармасының қызметкерлері Петропавлдың ірі базарларының бірінде жадынамалар тарату бойынша акция өткізді.
Қалалық әкімдіктің жастар ресурстық орталығының еріктілерімен бірге тәртіп сақшылары адамдарға алдаудың кең таралған тәсілдері туралы айтып берді. 10 айда СҚО-да 606 интернет-алаяқтық жасалды. Оның жартысына жуығы — 289 факті - "Банктен қоңырау шалу" схемасы бойынша.
Бұдан басқа, ЖПІШ шеңберінде веб-кеңістіктің мониторингі күшейтілді. КПБ жедел қызметкерлері танымал хабарландыру сайттарын, әлеуметтік желілердегі жұртшылықты тексереді. ЖПІШ бір күнінде заңсыз мазмұны бар сайттарға 10 сілтеме, негізінен жалған хабарландырулар анықталды.
"Бұл сілтемелер бұғаттау үшін "Кибернадзор" жүйесіне жіберілді", — деп түсіндіреді СҚО ПД КПБ бастығы полиция полковнигі Иван Терзиди. — Сондай-ақ, өткізілген іс-шаралар барысында 6 интернет-алаяқтық, оның ішінде бұрын жасалған 4 алаяқтық және облыс тұрғыны тауарларды басқа біреудің банк картасымен төледі деп күдіктенген интернет-ұрлықтың бір фактісі анықталды".
Интернет арқылы тауарларды сатып алу кезінде алдаудың үлесі әлі де жоғары. Көбінесе жалған жарнамалар Instagram-да (85 факті) және OLХ-те (70 факті) пайда болады. Полицейлер қырағылық танытуға шақырады. Егер сіз сатушының адалдығына сенімді болмасаңыз, тауарлардың ақысын төлемеңіз, "банктан қоңырауларға" сенбеңіз, өзге адамдардың қысымымен бейтаныс қосымшаларды орнатпаңыз. Егер интернет-алаяқтыққа күдік болса, "102"арнасына хабарласыңыз.
Игорь Мерцалов
СҚО ПД баспасөз қызметі
[xfvalue_img]
