Жамбылдық полицейлер қазақ күресінен чемпионатта топ жарды
Ағымдағы жылғы сәуірдің 20-22 күндері аралығында Петропавл қаласында қазақ күресінен Қазақстан Республикасы Ішкі істер министрлігінің чемпионаты өтті.
Чемпионатқа 176 полиция қызметкерінен құралған 20 команда қатысты. Жарыс алты салмақ дәрежесінде өткізілді.
Жамбыл облысының Полиция департаментінен іс-шараға 6 қызметкерден тұратын құрама команда жасақталып, толық құрамда жіберілді. Сондай-ақ олар арнайы оқу-жаттығу жиынына қатысты.
Сайыс қорытындысы бойынша 74 келі салмақ дәрежесінде полиция капитаны ПД Оқу-жаттығу взводының аға инспекторы Ерлан Махмутов қарсыластарына дес бермей 1-орынды жеңіп алып, ҚР ІІМ құрама командасына енгізілді.
Ал 100 келі салмақ дәрежесі бойынша полиция лейтенанты ПД Жылдам қимылдайтын арнайы жасақ инспекторы Ерасыл Әзімханов 3-орынға ие болды.
Жүлделі орындардан көрініп, Жамбыл облысының абыройын лайықты қорғап келген әріптес палуандарды жеңісімен біз де құттықтаймыз!
[xfvalue_img]
