Мас жүргізуші жазаға тартылды
Әйтеке би аудандық сотында азамат К-ге қатысты әкімшілік құқық бұзушылық туралы іс қаралды.
Сот анықтағандай, құқық бұзушы көлік құралын алкогольдік масаң күйінде басқарған.
К-дің әрекеті Әкімшілік құқық бұзушылық туралы Қазақстан Республикасының Кодексінің 608-бабының 1-бөлігімен сараланды.
Жол қозғалысы ережелерінің 2.4.2-тармақтарына сәйкес жүргізушіге мас күйінде (алкогольдік, есірткілік немесе басқа); реакция мен зейінді нашарлататын дәрілердің әсеріде, ауру немесе шаршау, жол қауіпсіздігіне қауіп төндіру кезінде көлік құралын жүргізуге тыйым салынады.
Құқық бұзушы өзінің кінәсін толық мойындаған түсінігінен бөлек, жиналған іс құжаттардағы нақты деректермен толықтай дәлелденді.
Соттың қаулысымен К. кінәлі деп танылып, 15 тәулікке қамаққа алынды және 7 жыл мерзімге көлік құралын басқару құқығынан айырылды.
Қаулы заңды күшіне енген жоқ.
Әйтеке би аудандық сотының бас маманы А.Биманова
[xfvalue_img]
