Іс жүргізуде мемлекеттік тілді қолдану бойынша отырыс
Ақжайық аудандық сотында сот мамандарының және аудандық полиция бөлімінің өкілінің қатысуымен мемлекеттік тілді қолдану, дамыту тақырыбында отырыс өтті.
Шара барысында мемлекеттік тілді қолдану тәртіптері мен іс жүргізу тілін дұрыс қолдану мәселелері талқыланды.
Сот әкімшісінің басшысы А. Нұрым мемлекеттік тілді қолдану бойынша құжаттарды ресімдеу тәртібімен, іс жүргізу тілін анықтауда заң талаптарын дұрыс орындау және тіл мәдениетін өсіру мәселелеріне тоқталып өтті. Сонымен қатар қазіргі таңда сот саласында ішкі және шығыс құжат айналым толық мемлекеттік тілде жүргізіліп отырғанын, оның ішінде сот ісін жүргізу тілі және қоғамдағы басқа да салаларда іс жүргізу тілі болып заң бойынша мемлекеттік тіл деп анықталғанын айтып,тіл туралы заңнаманы бұзғаны үшін жауаптылықта көзделгенін жеткізді.
Қатысушылар тілге қатысты мәселелер бойынша сұрақтарына жауап алып, пікір алмасып, іс жүргізуде тілді қолдану тәртібі орындауға алынды.
Батыс Қазақстан облысы
Ақжайық аудандық соты әкімшісінің басшысы Ақмарал Нұрым
[xfvalue_img]
7 пікір