Мемлекеттік тілді дамыту - ортақ міндет

     Елдің қайнар көзі-халық екендігі белгілі. Тарихи тұрғыдан келгенде, қандай  болмасын мемлекет әдетте, ұлттық мемлекет ретінде пайда болады. Оның мемлекеттік құрылтайшысы әрі әлеуметтік базасы бір этникалық қауым болып табылады. Тарихи және жалпы азаматтық практикада, бұл солай.

    Яғни, ел болған жерде мемлекеттік тіл болуы керек, біздің еліміз қазақ елі болғандықтан, мемлекеттік тіл- қазақ тілі. Республикамызда мемлекеттік  тілдің  қолдану аясын кеңейту-  бүгінгі таңдағы өзекті мәселе. Тәуелсіз Қазақстанда тіл мәселесіне айтарлықтай көңіл бөлініп келеді.

    Қазіргі уақытта сот жүйесінде құжаттар, іс-қағаздар мемлекеттік тілде орындалады. Сот ісін жүргізуде басымдық мемлекеттік тілге беріледі.

    Тіл қарым-қатынас құралы болуымен бірге оны тұтынушы халықтың салт-дәстүрін, әдет-ғұрпын, дүниетанымдық ерекшелігін, ұлттық болмысын, рухани-мәдени байлығын, сан ғасырларға созылған даму тарихын ұрпақтан-ұрпаққа жалғастырып, жеткізуші,жинақтаушы қызметін атқарады.

     Халық тәуелсіздігінің ең басты белгісі-оның ана тілі, ұлттық мәдениеті. Өзінің ана тілі, ұлттық мәдениеті жоқ ел өз алдына мемлекет болып өмір  сүре  алмайды.

     Дүниедегі барлық халық тәуелсіздікке ұлттық қадір-қасиетін, мәдениетін, ана тілін сақтап қалу үшін ұмтылады. Сондықтан, кез келген мемлекет  өзінің  аумақтық салт-дәстүрін, ана тілін ерекше қорғайды.

     Сонымен қатар, өзінің бағытын нақты ұстанған сот жүйесі жылдар керуенін артқа тастап, жүргізілген тегеурінді сот реформасының аясында биік  асуларды бағындырды. Сот жүйесінің негізгі мақсаты азаматттар мен ұйымдардың құқықтарын, бостандықтары мен заңды мүделерін қорғауға және республика Конституциясының, заңдарының, өзге де нормативтік құқықтық актілерінің, халықаралық шарттарының орындалуын қамтамасыз ету болыптабылады.

      Сондықтан да сот алдында сот төрелігін сапалы атқару, әділ шешім шығару аталған құрылымдық жүйенің қоғам талабына сай үнемі жетіліп, оның ілгерілеуіне заманауи тетіктер мен кешенді сот реформаларын жүргізу қажет.

     Тәуелсіздіктің негізгі тірегі-ұлттың тілі, діні. Ол-қасиетті де қастерлі. Тілдің тағдыры- баршамыздың қолымызда, тілді оқып-үйренуді барынша жоғары деңгейге көтеру әр қазақстандықтың қастерлі парызы. 

Батыс Қазақстан облысы

Ақжайық аудандық соты әкімшісінің басшысы Ақмарал Нұрым.