Сотқа дейінгі еңбек дауын реттеу – сотқа жүгіну кезіндегі міндетті шарт

Орал қаласының №2 сотымен сотқа дейінгі, сондай-ақ соттан тыс еңбек дауларын реттеу мәселелері бойынша облыстық аумақтық кәсіподақтар бірлестігімен бірлескен онлайн форматта дөңгелек үстел өтті. Кездесуге сот судьялары мен салалық кәсіподақ өкілдері қатысты.Сот судьясы Айнұр Кенжебекова өз баяндамасында жұмыскерлердің аталған мәселе туындаған кезде бірден сотқа жүгінетіндіктерін және сот талап арыздарыны кері қайтарғанда түсінбей жататындықтарын атап өтті. Ал оның түспкілікті мәселесі – мәселен, жалақыны қайтару бойынша,  жүгінуде өзіндік сотқа дейінгі және соттан тыс реттеу тәрбінің болып отырғандығында. Сотқа жүгінбес бұрын, жұмыскер осы тәртіптерді сақтау қажет.Сонымен қатар, егер жұмыскердің жұмыс берушіден жалақысының көлемі жөніндегі анықтамасы болған жағдайда, нотариусқа жүгіну қажет, өйткені есеп айырылысқан, алайда төленбеген жалақы және т.б. төлемдер бойынша өндіру нотариустың атқару жазбасы бойынша жүзеге асырылады.   Аталған, жағдайда жұмыскердің талабы даусыз және сотпен қорғалуға жатпайды. Талқылауды қорыта келе, дөңгелек үстел қатысушылары, тақырыптың өзектілігіне тоқталды және еңбек дауларына қатысты сұрақтар туындаған кезде барлық азаматтарға түсіндіру керектігін атап өтті.  

Орал қаласының №2 соты