Сирия бойынша Астана процесінің шеңберінде жоғары деңгейдегі алдағы кездесудің қатысушылары туралы
Сирия жөніндегі Астана процесінің барлық тарапы Астанада 30-31 қазанда өтетін алдағы кездесуге қатысатындықтарын растады.
Ресей делегациясына РФ Президентінің Сирия жөніндегі арнайы өкілі Александр Лаврентьев, Түркия делегациясына сыртқы істер министрінің орынбасары Седат Онал, Иран делегациясына сыртқы істер министрінің орынбасары Хусейн Джабери Ансари басшылық етеді.
Алдағы кездесуге Сирия үкіметінің және сириялық оппозицияның, сондай-ақ байқаушы ретінде БҰҰ, АҚШ және Иорданияның өкілдері қатысады.
Іс-шараның басталуына бір күн дейін кепілгер-елдердің өкілдері сарапшылар деңгейінде екіжақты және үшжақты консультациялар өткізуге ниетті. Жалпы отырыс барлық тараптың қатысуымен 31 қазанда өтеді.
Алдағы кездесу Сирияда ұрыс іс-қимылдарын доғару режимін нығайту бойынша қол жеткізілген нәтижелерді сақтауға, сондай-ақ дағдарысты саяси реттеуге өту кезеңінде аталған елдегі жағдайды әрі қарай тұрақтандыру шеңберінде күш-жігерлерді арттыруға бағытталған.
Қазақстан Республикасы
Сыртқы істер министрлігінің
Баспасөз қызметі
[xfvalue_img]
