Каспий маңы мемлекеттерінің СІМ басшылары Каспийдегі бесжақты ынтымақтастықтың әрі қарайғы бағытын айқындады

Қазақстан Премьер–Министрінің орынбасары – Сыртқы істер министрі Мұрат Нұртілеу Каспий маңы мемлекеттерінің Сыртқы істер министрлерінің кеңесіне қатысты.

Іс-шараға Әзербайжанның сыртқы саяси ведомствосының басшысы – Джейхун Байрамов, Иранның – Хосейн Амир Абдоллахиян, Ресейдің – Сергей Лавров және Түрікменстанның – Рашид Мередов қатысты.

Министрлер Каспий маңы мемлекеттері Президенттерінің тапсырмаларын іске асыруға бағытталған Каспий келіссөз процесінің ағымдағы міндеттерін талқылап, оны дамытудың басым бағыттары мен одан арғы қадамдарын айқындады.

«Каспий теңізі бірегей экожүйелік объектінің бірі және оның жағдайы жағалаудағы елдердің табиғаты мен өміріне тікелей әсер етеді. Сондықтан бүгінгі таңда біздің ортақ міндетіміз – оның экологиялық қауіпсіздігін қамтамасыз ету», – деп мәлімдеді М.Нұртілеу.

ҚР СІМ басшысы сондай-ақ Қазақстан Каспий бассейнінде қару-жарақты бақылау тетігін құру қажеттілігінен туындайтынын, бұл олардың тепе-теңдігін және тараптармен келісілген сандық және сапалық шектеулерді қамтамасыз ететінін атап өтті. Осыған байланысты тараптарға Каспий теңізіндегі әскери қызмет саласындағы сенім шаралары туралы келісім бойынша жұмысты жалғастыру ұсынылды.

Іс-шара қорытындысы бойынша министрлердің мәлімдемесі қабылданды, оған сәйкес 2024 жылы осы форматтағы келесі кездесу Түркіменстанда өтеді.