СҚО Сыбайлас жемқорлыққа қарсы қызметі мемлекеттік грант алған жеті жүзден астам кәсіпкердің құқығын қорғады
Солтүстік Қазақстан облысының халықты жұмыспен қамту орталықтары кәсіпкерлермен мемлекеттік гранттар беру туралы шарттар жасасу кезінде Кәсіпкерлік бастамашылыққа жәрдемдесу жөніндегі шараларды ұйымдастыру және қаржыландыру қағидаларын сақтамаған.
Атап айтқанда, құжатта ұлттық жобаға қатысушыны жұмыспен қамту орталығының талабы бойынша 10 жұмыс күні ішінде мемлекеттік қолдау шарасын пайдалану кезінде анықталған кемшіліктерді жоюға міндеттейтін тармақ көзделген.
Барлығы, ҚР Сыбайлас жемқорлыққа қарсы іс-қимыл агенттігінің облыстық департаменті жалпыреспубликалық тәжірибені талдау шеңберінде 2022-2023 жылдар кезеңінде кәсіпкерлердің құқықтарына нұқсан келтіретін тармақ бар 759 шартты анықтады.
Департамент басшылығының жұмыспен қамтуды үйлестіру және әлеуметтік бағдарламалар басқармасының басшылығымен жұмыс кездесуі нәтижесінде тармақты шарттың үлгілік нысанынан алып тастау туралы бейінді министрлікке хат жолдау ұсынылды.
Бүгінгі таңда дискрециялық тармақ қолданылмайды.
[xfvalue_img]
