Астанада "Жасөспірім" жедел-алдын алу іс-шарасы өтуде
Ағымдағы жылдың 7-9 маусымы аралығында елорда аумағында "Жасөспірім" жедел-алдын алу іс-шарасы өтуде. Кәмелетке толмағандар арасындағы құқық бұзушылықтар мен қылмыстардың алдын алу, олардың түнгі уақытта ойын-сауық орындарында және үйден тыс жерде заңды өкілдерінің еріп жүруінсіз болуына жол бермеу мақсатында Ювеналды полиция қызметкерлері іс-шара шеңберінде жергілікті-рейдтік жұмыстар жүргізуде.
Тәртіп сақшылары қоғамға жат әрекеттерді анықтау мақсатында аулаларды, саябақтарды, скверлерді және басқа да жастар мен кәмелетке толмағандар шоғырланатын орындарды тексереді. Сонымен қатар, жалпы білім беру ұйымдарының оқушыларымен әкімшілік және қылмыстық заңнама нормаларын түсіндіру бойынша профилактикалық әңгімелер өткізіледі.
Тәртіп сақшылары ата-аналар мен мекемелердің иелері кәмелетке толмағандардың заңды өкілдерінің еріп жүруінсіз тұрғын үйден тыс жерде болғаны үшін әкімшілік жауаптылықта болатынын еске салады.
Астана қаласы ПД баспасөз қызметі
[xfvalue_img]
