Маңғыстау облысында кәсіпкер атқарған жұмысының ақысын ала алмаған
Маңғыстау облысы бойынша Сыбайлас жемқорлыққа қарсы қызмет департаментіне шағын кәсіпкер Батыр ауылдық округі әкімдігінің негізсіз әрекетіне қатысты шағымданды.
Ауыл әкімдігі 2022 жылдың қарашасында балалар ойын алаңының құрылысын аяқтаған кәсіпкерге төленуі тиіс 500 мың теңге қаражатты негізсіз аудармай келген.
Сыбайлас жемқорлыққа қарсы қызмет департаментімен осы мәселе бойынша жұмыстық кездесу өткізді. Нәтижесінде, әкімдік ағымдағы жылғы сәуір айында кәсіпкерге берешегін өтеді.
Айта кетейік, Антикор адал кәсіпкерлердің құқықтарын қорғауға ерекше көңіл бөледі. Сондықтан лауазымды тұлғалардың тарапынан артық бюрократия жасау, кәсіпкерлікке әкімшілік кедергі тудыру сияқты мәселелермен бетпе-бет келген кәсіп иелерінің арыз-шағымдарын қарастырады.
[xfvalue_img]
