Кәсіпкерге орындалған жұмыстар үшін төлем негізсіз кешіктірілген
Маңғыстау облысы бойынша Сыбайлас жемқорлыққа қарсы қызмет департаментіне кәсіпкер облыстық көпбейінді аурухананың көрсетілген қызмет үшін төлемді негізсіз кешіктергені туралы шағымданды.
Облыстық көпбейінді аурухана жеткізілген жанар-жағармай үшін кәсіпкерге 800 мың теңге көлеміндегі қаражатты екі ай бойы аудармаған.
Сыбайлас жемқорлыққа қарсы қызмет осы мәселе бойынша мекемеге ұсыным жолдады. Нәтижесінде, аурухана кәсіпкерге берешегін өтеді.
Айта кетейік, Антикор адал кәсіпкерлердің құқықтарын қорғауға ерекше көңіл бөледі. Сондықтан лауазымды тұлғалардың тарапынан артық бюрократия жасау, кәсіпкерлікке бөгет болу, әкімшілік кедергі тудыру сияқты мәселелермен бетпе-бет келген кәсіп иелерінің арыз-шағымдарын қарастырады.
[xfvalue_img]
