Сотталғандарды шаруашылық бөліміне қалдыру заң талаптарына сәйкес жүргізіледі

ҚР Қылмыстық-атқару кодексi 92-бабына сәйкес, жазасын орташа қауіпсіз мекемеде өтеуге  тағайындалған, бес жылдан аспайтын мерзiмге бас бостандығынан айырылған, алғаш рет сотталғы бар адамдар, қауіпсіздігі аралас мекемелерде немесе толық қауіпсіз мекемелерде шаруашылық қызмет көрсету жөніндегі жұмыстарды орындау үшін тартылады.  

Заңның осы бабын орындау аясында, Қызылорда қаласындағы № 68 мемлекеттік мекемесінде сотталғандардың өтініш хаттарына байланысты, үш сотталғанға қатысты мекеме коммиссиясының отырысы болып өтті.

Комиссия отырысына мекеме бастығының тәрбие ісі жөніндегі орынбасары полиция полковнигі Зиябеков Жәнібек Мелдебекұлы және бөлім бастықтары қатысты. Алғаш болып сөз алған, Арнайы есепке алу бөлімінің бастығы, әділет майоры Ф.Сембаева  бұл  сотталғандардың үшеуінің де ҚРҚК-нің 188-бабының 2- тармағы бойынша 3 жыл мерзімге бас бостандығынан айрылғандығы туралы сот шешімі шыққандығын оқып берді.Одан соң, жедел және режим бөлімінің бастықтары жоғарғыда аты аталған үш сотталғанға қатысты жаза өтеу барысында режим талаптарын бұзбағандықтан, ешқандайда ескертулердің болмағандығын, шаруашылық бөліміне қалдыруға қарсылықтары жоқ екендігін айтты.

Сондай-ақ, медицина бөлімі қызметкері бұл азаматтардың жұмысқа деген денсаулығын жарамды  деп таныса, қаржымен қамтамасыз бөлімінің бастығы олардың айлық еңбек ақысы төленіп, атқару парағы бойынша белгіленген төлемдердің ұсталынылатындығын мәлімдеді. Ал, мекеменің АКАӘПТЖБ бастығынының міндетін атқарушы,әділет аға лейтенанты Н.Ниязов :

• Сот үкімімімен шыққан белгіленген жаза бойынша сотталғандардың еңбегін ұйымдастыруға тәрбие бөлімі аса жауапкершілікпен қарайды. Өйткені еңбек-сотталғандарды түзелу жолына бастайды. Сондықтан, бүгінгі отырыста 3 сотталғанның өтініші негізінде, арнайы контигентпен тікелей жұмыс жасайтын бөлім басшыларының пікірі тыңдалынды. Отырысқа қатысқан коммисссия мүшелері, бірауыздан қарсы емеспіз деп танып, шешім шығару үшін мекеме бастығына ұсынды. Мекеме бастығының құзырымен шешім қабылданып, сотталғандарды жұмыспен қамту жүз пайызға орындалды. Бүгінгі таңда штатқа сәкес, 19 сотталған азамат мекеменің шаруашылық бөлімінде еңбек етуде.