Елордалық полицейлер ұрлықтың екі эпизоды бойынша күдіктіні ұстады
Криминалдық полиция қызметкерлері жедел-іздестіру іс-шараларын жүргізу кезінде ұрлық жасады деген күдікпен 30 жастағы қала тұрғынын ұстады. Тергеу барысында анықталғанындай, ер адам дүкенге кіріп, кассадан «Самсунг» маркалы ұялы телефонды байқаған. Қаскүнем сатушының назары басқа клиенттерге ауған сәтін пайдаланып, гаджетті қолды еткен.
Алайда бұл оған жеткіліксіз болып, келесі күні Сығанақ көшесінде есігі жабылмаған «Газель» автокөлігін байқайды. Содан ол қолайлы сәтті пайдаланып, еркін қол жеткізу арқылы «Samsung A-32» маркалы ұялы телефонды ұрлаған.
Ұрлық фактілері бойынша сотқа дейінгі тергеу жүргізілуде. Бұрын сотталған күдікті өз кінәсін мойындады, елорда аумағында жасалған осыған ұқсас қылмыстарға қатыстылығына тексеру жүргізуде.
Нұр-Сұлтан қаласының Полиция департаменті сақ болуға, бағалы заттарды қараусыз қалдырмауға кеңес береді.
Автокөлік иелері автокөліктердің есіктері мен терезелерін жауып, қаскүнемдердің назарын аударуы мүмкін бағалы заттарды көлік салонында қалдырмауы тиіс. Көлік құралын дабыл жүйесімен жабдықтау қажет.
Нұр-Сұлтан қ. ПД Баспасөз қызметі
[xfvalue_img]
