Маңызды шикізат жобаларын техникалық қолдау жөніндегі декларацияға қол қойылды

ҚР Өнеркәсіп және құрылыс вице-министрі Ілияс Оспанов жыл сайынғы «Шикізат апталығы» аясында Еуропалық комиссияның ұйымдастыруымен өткен «Шикізат, аккумуляторлар және жасыл сутегі саласындағы ЕО-ҚР стратегиялық әріптестігі» атты арнайы панельдік сессияда сөз сөйледі.

Вице-министр өз сөзінде «Қазіргі таңда Қазақстан ЕО-ның 34 маңызды шикізатының 19 түрін өндіреді» деп атап өтті. Ол «инвестициялар мен жасыл технологиялардың орнына шикізат және жаһандық құн тізбегіне кіру» сияқты Қазақстан Республикасының басты қағидаттарын атап өтті. Ол сондай-ақ шетелдік компанияларды инвестициялық жобаларға қатысуға және өндірісті Қазақстанда оқшаулауға шақырды.

Арнайы панельдік сессия барысында «Тау-Кен Самұрық» АҚ маңызды шикізат саласындағы екі жобасын ЕО-ЕҚДБ техникалық қолдауы туралы ниет декларациясына қол қойылды. Қолдау «Тау-Кен Самұрық» АҚ жүзеге асыратын «Солтүстік Қатпар және Жоғарғы Қайрақты вольфрам кен орындары» және «Арал теңізінің тұзды батпақтарынан литий өндіру» жобаларына қажетті техникалық бағалау жүргізуге бағытталған. Жобалардың жалпы құны 400 мың еуроны құрайды, оның ішінде 200 мың еуроны құрайтын ЕО салымы болжанған.

Сондай-ақ, Қазақстан Республикасының Бельгия Корольдігіндегі Елшілігінде Kazakhstan Forum Astana Group пен Люксербургтік Lobox Architects компаниясы арасында ынтымақтастық туралы меморандумға қол қойылды.

ҚР Өнеркәсіп және құрылыс министрлігінің

баспасөз қызметі