Ақмола облысында мемлекеттік қызметтегі тәлімгерлік қызметтің пайдасы туралы айтты

 Тәлімгерлік жас мамандардың мемлекеттік қызметке бейімделуінде ерекше рөл атқарады.

Қазақстан Республикасы Мемлекеттік қызмет істері агенттігінің Ақмола облысы бойынша департаменті мемлекеттік қызметке алғаш рет қабылданған тұлғалармен кері байланыс орнату мақсатында жасырын сауалнама жүргізді, оның қорытындысы бойынша респонденттердің 97,4% тәлімгерлік олардың кәсіби бейімделуіне көмектескенін және әрі қарай мемлекеттік қызметте жұмысын жалғастыратындығын білдірді.

Сонымен қатар, диалог алаңы аясында тәлімгерлік қызметті ұйымдастыру тәжірибесімен Есіл ауданының жұмыспен қамту және әлеуметтік бағдарламалар бөлімінің сектор меңгерушісі Татьяна Франчук, Ақмола облысы бойынша Медициналық және фармацевтикалық бақылау департаментінің бөлім басшысы Айгүл Оспанова, Степногорск қаласы бойынша Мемлекеттік кірістер басқармасының бөлім басшысы Юлия Артемьева бөлісті.

Ерейментау аудандық мәслихатының аппарат басшысы Сәуле Садықова тәжірибелі тәлімгерлердің жас мамандармен жұмыс жасаудың өз әдістерімен осылай бөлісуінің маңыздылығын, сонымен қатар бейімделу процесі субъектілердің оқуға және дамуға деген жеке қызығушылығына байланысты екенін атап өтті. 

Соңында Департаменттің Мемлекеттік қызмет басқармасының басшысы Райхан Братаева тәлімгерлерге мемлекеттік қызметшілердің жас буынын тәрбиелеуге қосқан үлестері үшін алғыс білдірді.