БҚО МАЭсотында «Сот кабинеті» электронды ақпараттық сервисі, дыбыс-бейне жазу және бейне конференц байланыс құрылғыларының жұмысын түсіндіру мақсатында онлайн режимінде оқыту семинары өткізілді.

Батыс Қазақстан облысының мамандандырылған ауданаралық экономикалық   сотының  кеңсе меңгерушісі  Ж.Г.Есенов  «Сот кабинеті» электронды ақпараттық  сервисі, дыбыс-бейне жазу және бейне конференц байланыс құрылғыларының жұмысын  түсіндіру мақсатында  онлайн режимінде оқыту семинарын өткізді.

БҚО МАЭсотының  кеңсе меңгерушісі  Жандос  Есенов  «Сот кабинеті - бұл электрондық ақпараттық сервис, ол сот органдарының онлайн сервисіне қолжетімді бірыңғай терезе болып саналатынын, сот ісін жүргізуді жеңілдету және азаматтар үшін сот жүйесінің қол жетімділігін қамтамасыз ету мақсатында іске асырылғандығын,   осы  сервис арқылы заңды тұлғалардың мемлекеттік баж төлеу мәселесі шешімін тапқандығын, жеке тұлғаның төлем карточкасы арқылы бажды төлеу, сондай ақ төлем құжатының сканерден өткен көшірмесін беру мүмкіндігі бар екендігін айтты. Қазіргі таңда біздің сотқа заңды тұлғалардан келіп түсетін талап арыздар 100 пайыз электронды түрде түседі. Ол соттың да, сотқа жүгінген тұлғалардың да уақыты мен жұмысын азайтады. Мысалға келтіретін болсақ, азамат, немесе оның заңды тұлғасы өзінің уақытымен қаражатын кеткізбей, үйінен талап арыз жіберсе, ол электронды түрде соттың базасына түседі. Сот қызметкері дайын электронды түрде түскен арызды тіркейді. Ол үшін ол құжаттарды сканерден өткізіп, базаға салып жатпайды, өйткені олардың барлығы дайын түседі. Айтып өтетін жай, ол сот жүйесі қызметкерлерінің азаматтармен байланысын азайтады, және сыбайлас жемқорлыққа бейімділікті азайтуға ықпал етеді.  

Бұған қоса, Жоғарғы Соттың және жергілікті соттардың сайтында «Сот құжаттарымен танысу», «Кітапхана», «Сот актілерінің банкі»,  «Сот істерін қарау кестесі» сервисі іске қосылған. Аталған сервис сот өндірісінің жеделдігі мен қолжетімділігін қамтамасыз ету үшін Қазақстан Республикасы Жоғарғы сотының сайтындағы электронды сот құжаттарымен танысуға мүмкіндік береді. Сотқа жүгінген азамат талап арызы тіркелгені туралы талон алады, бірнеше күннен кейін оның ұялы телефонына оның арызы бойынша сот құжаты шыққаны туралы хабарлама келеді. Бұл ретте азаматтар сот құжатын алуға сотқа барып уақытын кетіріп, қаражатын шығындап, әуреге түспейдігін түсіндірді.

Сондай-ақ, ағымдағы жылдың 10 маусымында Мемлекет басшысы «Қазақстан Республикасының Азаматтық процестік кодексіне соттар жұмысының заманауи форматтарын ендіру, артық сот рәсімдері мен шығындарын қысқарту мәселелері бойынша өзгерістер мен толықтырулар енгізу туралы» Заңына қол қойылды. Соңғы өзгерістерге сәйкес, сотқа қатысушы тараптардың өтінішімен сот мәжілісінің бейнежазбасы берілмейді, бірақта тараптар  бейнежазбамен сот мәжіліс залында танысуға құқығы бар,  ал  аудио-жазбаларының көшірмелері іске қатысушы тараптардың өтініші бойынша берілетіндігі түсіндірілді.

Семинарға қатысушылар өздерін толғандырған сұрақтарға толыққанды жауап алды.

Семинар қорытындысы бойынша БҚО МАЭсотының кеңсе меңгерушісі  Ж.Г.Есенов  семинарға  қатысушыларға  электронды сот жүйесі қарапайым халыққа сот жүйесінің барынша қол жетімді болуын, сот ісін жүргізудің ашықтығын, тиімділігі мен объективтілігін арттыруға барынша үлесі екендігін атап көрсетті.