Әркім білікті заң көмегін алуға құқылы

Сотқа шағым берудің өз тәртібі бар. Соны жете түсінбеген азаматтар «бізді сотқа арыз жазуға жіберді», «талап арыз немесе шағым жазып беріңіз», «сіздер арызды жазып беруге міндеттісіздер, менің мәселем бойынша кеңес беріңіз» деп өтініш-назын білдіріп жатады. Мұндай жағдайда сот қызметкерлері азаматтарға өз құқықтарын түсіндіріп, талап арыз, өтініштерді сот жазып бермейтінін ұғындыруға тырысады.

Биліктің бөлінуі және судьялардың тәуелсіздігі туралы конституциялық қағидаға орай, соттардың төрағалары, сот аппаратының қызметкерлері қандай да бір құқықтық кеңестер беруге, нормаларды қолдану мәселелері бойынша түсіндіруге құқылы емес. Себебі, ол тараптардың мүддесі мен ұстанымын қорғауда теңдік қағидасының бұзылуына әкеп соғады.

Қазақстан Республикасы Конституциясының 13-бабының 3 бөлігіне сәйкес, әркімнің білікті заң көмегін алуға мүмкіндігі бар. Тек оны осы салаға бейімделген білікті мамандар атқаратынын қаперде ұстау парыз. Заңда көзделген реттерде заң көмегі Қазақстан Республикасы азаматтарының конституциялық құқығын іске арысу үшін тегін қамтамассыз етіледі.

Құттыбек Мұстафин

Ақжайық аудандық соты кеңсесінің

жетекші маманы