Сотпен түсіндіру шаралары жалғасуда
Батыс Қазақстан облысы Орал қаласының №2 сотымен медиация институтын дәріптеу, даудың соттан тыс шешілуінің ауқымын кеңейту мақсатындағы іс-шаралар жалғасын табуда.Сот судьясы Альбина Абилкаримова Орал қаласының азаматтық хал актілерін тіркеу бөлімінің қызметкерлерімен түсіндіру іс-шарасын өткізді. Баяндама жасай отырып ол ҚР Президентінің 2019 жылғы 02 қыркүйектегі «Сындарлы қоғамдық диалог – Қазақстанның тұрақтылығы мен өркендеуінің негізі» атты Жолдауын, ҚР Жоғарғы Сотымен жүзеге асырылып отырған «Татуластыру: сотқа дейін, сотта», сонымен қатар еңбек ұжымдарындағы қақтығыстарды қысқартуға бағытталған «Еңбек дауларын және жария-құқықтық қатынастардан туындайтын дауларды алдын алу» пилоттық жобалары туралы әңгімеледі. Судья пилоттық жобаның мақсаты жеке даудың қаралуы және шешілуі соттан тыс және сотқа дейінгі тәртіпте кәсіподақ өкілдерінің қатысуымен келісу комиссиясы тарапынан жүргізілетінін атап өтті.Шара барысында кездесуге қатысушы қызметкерлер арасында осы тақырыптарға қатысты өзекті мәселелер талқыланды.
О.К.Ташимова
Орал қаласының №2 сотының БАҚ-пен жұмысқа жауапты маманы
[xfvalue_img]
