QR-код жүйесі енгізілді

Жақын арада қазақ тіліндегі онлайн QR-код жүйесі іске қосылды. Тек қана қазақ тілінде жасалған жүйе бүгін Қазақ, Орыс, Ағылшын және Қытай тілінде қызмет көрсетеді. Аталған жүйе сайтында қалауыңыз бойынша QR-код жасай аласыз және оны 300-2000 px көлемінде сақтап алуға болады. QR-код дегеніміз ағылшынша quick response – шұғыл жауап, Denso – Wave жапон фирмасы ойлап тапқан мобильді құрылғының камерасы арқылы жылдам тану үшін ақпарат беретін, екі өлшемді штрих код. QR-кодтың көмегімен кез-келген ақпаратты кодтауға болады. Мысалы, мәтін, сайт мекен жайы, телефон, электрондық визитка, wifi нүктесінің  параметрі және тағы басқалары. QR-код жүйесін қолдану сатысы яғни, камерасы бар ұялы құрылғыны алып, кодты сканерлеу үшін бағдарламаны іске қосып, камераны кодқа әкеліп, ақпаратты алуға болады. Ал бағдарламасын егер ұялы құрылғыда «Play market» қосымшалар магазині болса, сол арқылы жүктеп алуға болады. Ұялы құрылғының қосымшалар магазиніне кіріп, «QR-code» деп іздеу арқылы снканиерлеу бағдарламасын орнатып алуға болады. Аталған жүйе Мұғалжар аудандық сотында «QR-code» жүйесі іске қосылды. Осы жүйе арқылы кез-келген азаматтар керек ақпаратты QR-code» жүйесі арқылы тез әрі оңай тауып, соттардың мекен-жайын, мемлекеттік баждың, процесстік шығындардың деректемелерін, соттардың сенім телефондарын және т.б. пайдалы ақпаратты ала алады.  Ол үшін  жоғарыда айтылғандай, ұялы телефондарда, планшеттерде QR-кодтарын оқуға арналған арнайы қосымшаны «Playmarket» немесе «Appstore» арқылы жүктеп, сот фойесінде орналасқан кодты сканерлеу қажет. Аталған жаңашылдық азаматтарға жайлылық және қолайлылықты қамтамасыз ету мақсатында енгізіліп, қазірдің өзінде сотқа келушілерге пайдалы болуда. Аудандық сотта  бірінші рет осы қызметті қолданған сотқа келуші, бұл жаңашылдық жөнінде оң пікірін білдіріп, азаматтарға қолайлы екенін атап өтті.

Ақтөбе облысы Мұғалжар аудандық сотының кеңсе меңгерушісі К.Килбаева