Азаматтардың сенімін нығайту

Қазіргі заманның мемлекеттік қызметшілерге деген талабы жоғары. Мемлекеттік қызметші тек білімді ғана емес, сонымен қатар, білікті де жоғарғы моральдық жауапкершілікті, тәжірибелі, әділдік, адалдық, адамгершілік қасиеттері секілді қағидаларды қатаң ұстанған өз елінің ұлтжанды азаматы болуы қажет. Қазіргі күрделі кезеңде мемлекет алдында тұрған өзекті шараларды жүзеге асыратын мемлекеттік қызметшілер екендігін айтып өтсек, бұл тұрғыда мемлекеттік қызметшілер басқаларға өзінің ісімен, білім-білігімен, тәжірибесімен ғана емес, әділдігімен, қарапайымдығымен, сабырлығымен, әдептілік, отансүйгіштігімен, өзін кез келген ортада ұстай білуі, жүріс-тұрысымен де үлгі болуы керек.

         Мемлекеттік қызметшілерге қойылатын талаптары ол мемлекеттік қызметке деген адалдық, мемлекеттік қызметші өз қызметіне жауапкершілікпен қарауы керек. Ал, ең бастысы, халыққа қызмет етуі, сол қызмет ететін қарапайым халықтың оларға деген сенімі жоғары болу тиіс.

         Ақтөбе облысының қылмыстық істер жөніндегі мамандандырылған ауданаралық сотының мамандарының азаматтармен және заңды тұлғалармен қарым-қатынастары Қазақстан Республикасының Мемлекеттік қызметшілерінің қызмет этикасы ережелеріне сай келеді және сотқа келген азаматтардың көбі сот мамандарының жауап-кеңестеріне, түсіндіру жұмыстарына ризалығын білдіреді.

Ақтөбе облысының қылмыстық істер  жөніндегі                                    

мамандандырылған ауданаралық сотының                                                               

кеңсе бас маманы                                                      

Асемгуль Жиембаева