«Сот кабинетінің» тиімділігі
Қазақстан Республикасы Жоғарғы Соты интернет - ресурсының «Сот кабинеті» электрондық ақпараттық сервисі арқылы электрондық құжаттарды сотқа беру тәртібі туралы нұсқаулық электрондық құжат нысанында сотқа құжаттарды беру мүмкіндігін көздейтін Қазақстан Республикасының Азаматтық іс жүргізу кодексіне, Қазақстан Республикасының Қылмыстық-процестік кодексіне, «Жеке және заңды тұлғалардың өтініштерін қарау тәртібі туралы» және «Электрондық құжат және электрондық цифрлық қолтаңба туралы» Қазақстан Республикасының заңдарына сәйкес әзірленді.
Нұсқаулық Қазақстан Республикасы Жоғарғы Соты интернет-ресурсының «Сот кабинеті» электрондық ақпараттық сервисі (бұдан әрі – «Сот кабинеті») арқылы электрондық құжаттарды сотқа беру тәртібін, сондай-ақ Қазақстан Республикасы сот органдарының ақпараттық жүйесінде оларды қабылдау, тіркеу және өңдеу тәртібін реттейді
Сот кабинеті – электрондық ақпараттық сервис, ол сот органдарының онлайн сервисіне қолжетімді бірыңғай терезе болып саналатын сот ісін жеңілдетуде айрықша рөл атқарады. Әрі, азаматтар үшін сот жүйесінің қолжетімділігін қатамасыз ету мақсатында іске асырылған жүйе. Жалпы, сервистің негізгі ерекшелігі азамат, оның адвокат тұлғасындағы өкілі немесе заңгер кез келген ыңғайлы уақытта үйінен немесе кеңседен шықпай-ақ интернет желісі арқылы сот құжатын немесе істегі мәртебесін қарай алады.
Әрбір сотқа жүгінген азамат «Сот кабинеті» арқылы арыз беру үшін халыққа қызмет көрсету орталығында электронды цифрлы қолтаңба алуы қажет. «Сот кабинеті» және «Сот құжаттарымен танысу» электронды сервистері жоғарғы соттың ресми сайтында іске қосылған. Аталған қызметті электронды цифрлы қолтаңбасы бар азамат тұтына алады.
Қазіргі таңда, «Сот кабинеті» электрондық ақпараттық сервисі арқылы сотқа 2 053 400 арыз электронды түрде түскен, яғни бұл көрсеткіш аталған электрондық ақпараттық сервистің сот отырысының қатысушыларына тиімділігін көрсетеді.
Астана қаласының қылмыстық істер
жөніндегі мамандандырылған ауданаралық
сотының жетекші маманы
Т.Б.Жақсылықов
[xfvalue_img]
