СҚО-да Республика күні қарсаңында полицейлер мен ардагерлер марапатталды

(видео: https://youtu.be/rbIP9u0SaTs) 

Республика күні қарсаңында бірқатар солтүстікқазақстандық полицейлер мен ардагерлер марапатталды.

Ұлттық мерекеге орай отыздан астам полиция қызметкері жұмыстағы жетістіктері мен мінсіз қызметі үшін СҚО полиция департаментінің бастығы полиция полковнигі Айдын Қабдұлдиновтың қолынан түрлі марапаттарға алды.

Марапатқа ие болғандардың қатарында СҚО ПД жедел-криминалистикалық басқармасының бастығы Қанат Оспанов болды. Республика күні қарсаңында тәжірибелі офицер мерзімінен бұрын «полиция полковнигі» арнайы атағын алды.

Облыстық полиция аппаратының тәжірибелі қызметкерлері СҚО ПД көші-қон қызметі басқармасының ерекше тапсырмалар жөніндегі аға инспекторы Самат Базылов пен СҚО ПД жергілікті полиция қызметі басқармасының ерекше тапсырмалар жөніндегі аға инспекторы Асхат Қожабаев та мерзімінен бұрын «полиция подполковнигі» шендеріне ие болды. Сондай-ақ полиция подполковнигі шені Шал ақын ауданы полиция бөлімінің аға инспекторы Гүлжан Смағұловаға да берілді. Басқа қызметкерлер мерейтойлық медальдармен, төсбелгілермен, грамоталармен және алғыс хаттармен марапатталды. Олардың арасында ішкі істер органдарының ардагерлері Әбжат Темешев, Төкен Сәдуақасов, Любовь Осинская мен т.б. бар. СҚО әкімінің Құрмет грамотасын Ақжар ауданы полиция бөлімінің жедел-криминалистикалық тобының аға криминалисі полиция майоры Мереке Жетібаев алды. Бұдан бөлек, СҚО полиция департаментінің алғыс хатымен полиция қызметкерлерінің ата-аналары Бөпежан Мәжитова, Анара Жұмабаева, Күләйім Ғабдуллина марапатталды.

Салтанатты жиын СҚО ПД мәдени орталығы мен қаланың шығармашылық ұжымдары дайындаған концерттік бағдарламамен аяқталды.

25 қазан күні облыс полицейлері өңір тұрғындары мен қонақтары үшін қоғамдық тәртіп пен жол қауіпсіздігін қамтамасыз етіп, күшейтілген түрде қызмет атқарады. 

Юрий Клыков

СҚО ПД баспасөз қызметі