Antikor: Негізсіз баю үшін жауапкершілік қарастырылады

Парасаттылыққа (сатылмаушылыққа) тексеру институтын, қаржылық тергеу институтын (follow the money) енгізу, негізсіз баю үшін жауапкершілікті енгізу, параны уәде еткені/ұсынғаны үшін қылмыстық жауапкершілік осы және басқа да новеллалар сыбайлас жемқорлыққа қарсы саясаттың 2022-2026 жылдарға арналған жаңа тұжырымдамасын іске асыру шеңберінде қолданысқа енгізілетін болады.

Осы тақырыпты Мағжан Жұмабаев ауданының мемлекеттік қызметшілері, квазимемлекеттік секторы және бизнес өкілдері, аудан жұртшылығы үшін СҚО бойынша Сыбайлас жемқорлыққа қарсы іс-қимыл департаменті басшысының бірінші орынбасары Нұрлан Жахин түсіндірді.

Ол негізсіз баю үшін жауапкершілік институты сыбайлас жемқорлықты «тиімсіз» етеді деп атап өтті. Ол жалпыға бірдей декларациялаудың басталған процесінің қисынды жалғасы болады және заңсыз жиналған қаражатты пайдалану мүмкіндігін барынша азайтады.

Спикердің айтуынша, ЭЫДҰ мен ГРЕКО ұсынымдары бойынша пара беру уәдесі мен ұсынысын криминализациялау шаралары қарастырылған.

«Тұрмыстық» сыбайлас жемқорлықты жою тұрғысында сыбайлас жемқорлыққа қарсы қызметке осы қылмыстар бойынша тергеулілікті анықтай отырып, бюджеттік, сондай-ақ мемлекеттік емес ұйымдар қызметкерлерінің заңсыз сыйақы бопсалағаны үшін жауапкершілікті қатаңдату ұсынылады (ҚК 247-бабы)», - деп атап өтті Жахин.

Сөз сөйлеу барысында Антикор қызметкері сыбайлас жемқорлыққа қарсы іс-қимыл мәселелеріндегі қоғамдық кеңестердің рөлін атап өтті. Бүгінгі күні сыртқы және ішкі талдау, сондай-ақ сыбайлас жемқорлыққа қарсы мониторинг жүргізу барысында азаматтық қоғам өкілдерінің мемлекеттік органдармен тығыз өзара іс-қимылын орнату қажет.

Аудандық Қоғамдық кеңес төрағасы Нұржахан Кукланың айтуынша, 1-ші жартыжылдықта төрт отырыс өткізіліп, 2021 жылғы мемлекеттік қызмет көрсету сапасы мен қоғамдық мониторинг нәтижелері бойынша 11 ұсыным берілді.

Іс-шара соңында мемлекеттік қызметшілерге сыбайлас жемқорлық үшін жауапкершілікті күшейту, сыбайлас жемқорлық фактілері туралы хабарлағаны үшін көтермелеу жүйесі туралы еске салынды.