Сотталған жасөспірімдер мен мекеме қабырғасында туылған балалар: қазақстандық колонияларда балаларды қорғау күнін қалай атап өтті?

8 жаңа туған алматылық өмірінде алғаш рет ҚАЖ қызметкерлерінен сыйлықтар алды.

Спорттық ойындар, сыйлықтар, мерекелік үстел және қоғамдық ұйымдардың сапарында балалар жыл сайынғы мерекесін Пенитенциарлық мекемелерде қарсы алады.

Мұндағы балалар 1 маусымды ерекше ықыласпен күтетіні бірінші жыл емес, балалар ойын-сауық бағдарламасын, сыйлықтарды, тәттілер мен қонақтардың және қоғам қайраткерлері мен жергілікті кәсіпкерлердің келуін асыға күтеді. Дегенмен, қамқорлық пен көңіл-күйді алғашқы рет сезінгендер де бар.

Мәселен, Алматы қаласы бойынша Қылмыстық-атқару жүйесі департаментінің ЛА-155/6 мекемесінде, республикадағыауыр және аса ауыр қылмыстар жасағаны үшін кәмелетке толмаған балаларды ұстауға арналған жалғыз колония жұмыс істейді. Мұнда ең кішісі 15 жастағы жасөспірім осы жылдың ақпан айында өгей әкесін өлтіргені үшін бас бостандығынан айыру орындарына түсті. Колонияда ол алғаш рет халықаралық балалар күні мерекесін атап өтеді, аула балалары мен туыстарының орнына оған пенитенциарлық мекеменің сотталғандары мен қызметкерлері құттықтап келді.

Биылғы мерекеге Алматылық кәсіпкерлер қосылып, импорттық жемістер мен шоколадтар әкеліп, олардың бостандықта болғанда кейбіреулері ғана қол жеткізе алатын тәттілерді сыйлап қуантты.

Тиісті тәрбие, махаббат және  тиісті білімді ала алмаған жасөспірімдер колонияда болған кездерінде жіберген мүмкіндіктерін толықтыруға тырысады. Олар мекеме әкімшілігі ұйымдастырған барлық мәдени шараларға, тренингтерге және оқуға белсенді қатысады.

Ағымдағы жылы пенитенциарлық мектептің 11 сыныбын 13 түлек, 9 сыныпты тағы 12 сотталған аяқтады. Оқушылар емтихандарды салтанатты іс-шара басталар алдында таңертеңнен бастап тапсырды.

Мемлекеттің қамқорлығында тек сотталған жасөспірімдер ғана емес, Алматы облысының Жауғашты кентіндегі ЛА-155/4 орташа қауіпсіздік мекемесінде жазасын өтеп жатқан аналарын босатуды күтіп жүрген өте жас қазақстандықтар да бар. Әйелдер колониясында балалардың қалыпты өмір сүруі мен дамуы үшін қажетті жағдайларды қамтамасыз ететін балалар үйі орналасқан.

Жыл сайын мекеме әкімшілігі сотталған әйелдермен бірге ойын-сауық бағдарламасын дайындайды, қолдан жасалған ойыншықтар мен шұлықтар береді. Бүгін олар балаларды үрлемелі батутпен, әуе шарларымен және мультфильм кейіпкерлерімен қуантты. Колония аумағында орналасқан «Еңбек-Жауғашты» РМК наубайханасы цехының наубайшылары салтанат иелеріне тәтті тоқаштар пісірді. 

«Жеті ағаш» қоғамдық қоры да жыл сайынғы іс-шараны өткізіп алған жоқ, он жылдан астам уақыт бойы олар балалар қалашығының қонақтарын және мекеме жанындағы жергілікті учаскеде ұсталатын кәмелетке толмаған сотталғандарды қуантуды жалғастыруда.

Қор өкілдері сотталған балаларға жазғы заттар, жемістер мен ойыншықтар: қыздарға қуыршақтар, ұлдарға – машиналар, ал жасөспірімдерге торт пен тәтті сусындар сыйлады.

Бүгінгі таңда мұнда балалардың жалпы саны 30 адамды құрайды, олардың сегізінің жасы бес айдан аз. 

ҚАЖ комитетінің баспасөз қызметі