Сот қауіпсіздігі – әділ сот төрелігінің кепілі
Сот қауіпсіздігі – сот төрелігін жүзеге асыру барысында судьялардың, сот процесіне қатысушылардың, сот қызметкерлері мен келушілердің өмірі мен денсаулығын қорғауға бағытталған маңызды құқықтық және ұйымдастырушылық шаралар жүйесі болып табылады. Қауіпсіздік талаптарының сақталуы сот билігінің тәуелсіздігін қамтамасыз етіп, азаматтардың сотқа деген сенімін арттырады.
Қазақстан Республикасында сот қауіпсіздігін қамтамасыз ету уәкілетті мемлекеттік органдардың құзыретіне жатады және ол қолданыстағы заңнама талаптарына сәйкес жүзеге асырылады. Сот ғимараттарында кіруді бақылау, жеке тексеру жүргізу, тыйым салынған заттарды алып кіруге жол бермеу, бейнебақылау жүйелерін пайдалану сияқты алдын алу шаралары тұрақты түрде қолданылады.
Сонымен қатар, сот отырыстары кезінде қоғамдық тәртіпті сақтау, төтенше жағдайлардың алдын алу, сот актілерінің орындалуына кедергі келтіретін әрекеттерге жол бермеу де сот қауіпсіздігінің маңызды құрамдас бөлігі болып табылады. Бұл бағыттағы жұмыстар сот приставтары мен қауіпсіздік қызметкерлерінің кәсіби даярлығы арқылы қамтамасыз етіледі.
Қорытындылай келе, сот қауіпсіздігі – заң үстемдігін нығайтудың, әділ әрі ашық сот төрелігін қамтамасыз етудің ажырамас бөлігі. Қауіпсіз ортада ғана сот өз функциясын толық әрі тиімді жүзеге асыра алады.
Ақмола гарнизоны әскери сотының судьясы Ж.Иммагамбетова
[xfvalue_img]
