Кездесу өтті
Ақжайық аудандық сотының ғимаратында М. Әуезов атындағы жалпы білім беретін 11 сынып оқушыларымен кездесу өтті.
Шараның мақсаты «заң және тәртіп» идеологиясын ілгерілету туралы жоспарды жүзеге асыру.
Сот әкімшісінің басшысы А. Нұрым шараны ашып, қатысушыларды сот жұмысының ерешеліктерімен, қоғамда заң мен тәртіп идеологиясын ілгерілету жөніндегі 2025 – 2030 жылдарға арналған тұжырымдаманың негізімен таныстырды. Қазіргі таңда қоғамда алаяқтық, нашақорлық туралы құқық бұзушылықтар басым орын алып отырғанын да айтып өтті.
Сонымен қатар құқықтық тәртіп пен мәдениетті қалыптастыру, заң үстемдігін және ашықтық пен қолжетімділікті қамтамасыз ету, мемлекет пен қоғам арасындағы қарым-қатынасты нығайту туралы мәселелер де талқыланды.
Қатысушылар шара соңында тақырып бойынша өз ойларын айтып, туындаған сұрақтарына жауап алып, пікірлерін жеткізді.
Батыс Қазақстан облысы
Ақжайық аудандық соты әкімшісінің басшысы Ақмарал Нұрым
[xfvalue_img]
