Жоғарғы Сот іс бойынша сот актілерінің күшін жойып, оны жаңа сот қарауына жіберді

◾ Жоғарғы Соттың қылмыстық істер жөніндегі сот алқасы А.Черепановқа қатысты қылмыстық істі қарады.

◾ Сот үкімімен Черепанов ҚҚ-нің 297-бабы 3-бөлігі 3) тармағы бойынша сотталған. Оған 11 жылға бас бостандығынан айыру жазасы тағайындалған.

◾ Апелляциялық сатымен үкім өзгертілген. Психотроптық затты өткізу эпизодында Черепановтың әрекеті ҚК-нің 28-бабының 5-бөлігі, 296-бабының 3-бөлігі бойынша психотроптық затты өткізу мақсатынсыз заңсыз алуға жәрдемдесу деп сараланған. Соңғы жазаға келетін болсақ, үкім өзгеріссіз қалдырылған.

◾ Сот алқасы іс материалдарын зерделей келе, келесідей қорытындыға келді.

◾ Черепанов 2022 жылғы 8 ақпанда «К» бүркеншік атпен куәгерге салмағы 0,2 грамм психотроптық затты алуға көмектескені үшін кінәлі деп танылған. Сондай-ақ, Черепановтың үйіне іргелес аумақтағы шатыр астындағы сарайдан салмағы 700 грамнан асатын психотроптық зат табылған. Алайда, бұл тұжырымдар қорғаушылардың дәлелдерін тексермей жасалған.

◾ “Жедел-іздестіру қызметі туралы” Қазақстан Республикасы Заңының 15-бабына сәйкес, жедел-іздестіру қызметін жүзеге асыру кезінде азаматтарды құқық бұзушылықтар жасауға итермелеуге және арандатуға тыйым салынады.

◾ Черепанов өзінің тұрақты айғақтарында тыйым салынған заттарды сатумен айналыспағанын атап көрсеткен. Куәгер «К» және «Д» оның таныстары, олар бірнеше рет тыйым салынған заттарды бірге сатып алған және бірге пайдаланған, олар хабарласып, келіп, оны заттарды бірге сатып алуға және қолдануға көндірген. Черепановтың телефонынан 2022 жылғы 8 ақпанда куәгер М. (қорғаушының айтуынша, бүркеншік атпен куәгерлердің бірі) Черепановқа таңертең бірнеше рет қоңырау шалып, оны психотроптық заттарды сатып алуға көндірген.

◾ Қорғаушы тарап берген үкімдерге сәйкес, бүркеншік атпен куәгерлер бұрын есірткі айналымына қатысты қылмыстар үшін бірнеше рет сотталған. Бұрын төленген төлемдер туралы мәліметтер сұралмаған, Черепановтың осыған қатысты айғақтары тексерілмеген.

◾ Черепанов шатырдың астынан табылған тыйым салынған зат салынған пакетке қатысты өз кінәсін мойындамай, саусақ ізін алу туралы өтінішхат берген. Алайда, қаптамада ешқандай із табылмаған, ешқандай сараптама жүргізілмеген.

◾ Ақпаратқа санциясыз қол жеткізуде жүргізілген тергеу барысында Черепановтың үйінен тыйым салынған заттарды сатып алу немесе сату фактілері анықталмады. Черепанов үйінің аумағында көп мөлшердегі психотроптық затты сақтай отырып, оны куәгерге үшінші тұлғалардан неліктен аз мөлшерде сатып алды деген сұрақ нақтыланбаған. Куәгердің сатып алғаннан кейін берген және қалқаның астынан алынған психотроптық заттардың сараптама қорытындысына сәйкес шығу тегі ортақ емес екендігіне баға берілмеген.

◾ Жоғарыда айтылғандардың негізінде сот алқасы істі жаңа сот қарауына жолдады.