*Жоғарғы Сот ішкі істер қызметкеріне тұрғын үй төлемдерін тоқтатудың негізсіздігін көрсетті* 6001-24-00-6ап/702
◾️ Астана тұрғыны ішкі істер органдарында 2001 жылдың тамыз айынан бері қызмет еткен.
◾️ Бір жылдан кейін ол Ішкі істер министрлігі департаменті Астана стансасындағы желілік полиция басқармасының бастығы болып тағайындалған.
◾️ Бір жылдан кейін ол Департамент бастығының бұйрығымен «Құқық қорғау қызметі» бағдарламасы бойынша Академияның магистратурасына оқуға қабылданып, қызметінен босатылып, оқу демалысы беріліп жіберілген.
◾️ Академияға іссапарға жіберілуіне байланысты оның тұрғын үй төлемдері тоқтатылған. Ол бұл шешімге сотқа шағымданып, ІІМ Көліктегі полиция департаментінен ішкі істер органдарының қызметкері ретінде бұл төлемдерді қайта жаңғыртуды міндеттеуді талап етті.
◾️ Астана қаласының МАӘС-ы бұл талап қоюды қараудан бас тартқан.
◾️ Апелляция бұл сот актісін бұзып, талап қоюды қанағаттандырды. Заңсыз деп танылып, департаменттің тұрғын үй комиссиясының талап қоюшыға тұрғын үй төлемдерін аударуды тоқтату бөлігіндегі шешімі жойылды.
◾️ Ішкі істер министрлігінің департаменті кассациялық шағым түсірді.
◾️ Жоғарғы Соттың Әкімшілік істер жөніндегі сот алқасы істі қарай отырып, ішкі істер органдары қызметкерлерінің тұрғын үйге құқықтарын жүзеге асыруы қызметтік тұрғын үй беру немесе тұрғын үйді беру арқылы тұрғын үйге мұқтаж деп танылған күннен бастап олардың жеке арнайы шотына төлемдер жүзеге асырылатынын атап өтті.
◾️ Орта, аға және жоғары басшы құрамдағы қызметкерлерді жоғарылату мемлекеттік тапсырыс шеңберінде құқық қорғау білім беру ұйымдарына ағымдағы штаттық лауазымнан босатыла отырып оқуға қабылдауға байланысты жүзеге асырылады.
◾️ Осыған байланысты талап қоюшының тұрғын үй төлемдерін алу құқығы жоғалған жоқ. Оның банктік қарыз шарты бойынша өтелмеген міндеттемесі бар және тұрғын үй мен тұрғын үй төлемдеріне мұқтаж.
◾️ Заң бойынша тұрғын үй төлемдерін тек жұмысқа ауысқан жағдайда ғана тоқтата тұру қарастырылған, ал қаралып жатқан іс бойынша жұмысын ауыстыру болған жоқ.
◾️ Әскери қызметшінің оқу демалысы кезеңінде тұрғын үй төлемдерін сақтау мәселесі Заңмен тікелей реттелмеген, бұл ретте заңнамадағы барлық күмәндар, қайшылықтар мен түсініксіздіктер әкімшілік іс жүргізуге қатысушының пайдасына түсіндіріледі, сот заңның ұқсастығын қолданды.
◾️ Әкімшілік істер жөніндегі сот алқасы апелляция қаулысын күшінде қалдырды.
[xfvalue_img]
