Сот ұжымы сот жүйесінің ардагерін құттықтады
«Судья және сот қызметкері күні» қарсаңында Казталов аудандық сотының ұжымы облыстық және аудандық соттың грамоталарымен, ҚР Әділет министрінің «Құрмет грамотасымен», «Алғыс хаттарымен» марапатталған, «Қазақстан Конституциясына 10 жыл» мерекелік және «Мінсіз қызметі үшін» 3 дәрежелі медальдарының иегері сот жүйесінің ардагері ұзақ жылдар сот кеңсесінің қызметкері болған Карупова Нұржамал Ниетқалиқызымен кездесу ұйымдастырып, құрмет көрсетті.
Сот төрағасының м.а. Бахытгүл Жангирова шара барысында сот ардагерін мерекемен құттықтап, сот жүйесінің дамуына қосқан үлесі және кейінгі ұрпаққа қалдырған үлгілі тәжірибесі үшін алғысын білдіріп, естелік сыйлық тарту етті.
Өз кезегінде сот ардагері ұжымға көрсеткен құрметтері үшін алғысын білдіріп, сот төрелігін жүзеге асырудағы еңбектеріне толағай табыс тіледі.
Төраға м.а. Б.Ш.Жангирова
[xfvalue_img]
