Мемлекеттік тілді қолдану талаптары талқыланды
Ақжайық аудандық сотында сот мамандарының қатысуымен мемлекеттік тілді қолдану, дамыту тақырыбында семинар өтті. Шараның мақсаты - мемлекеттік тілді қолдану тәртіптерін дұрыс орындау мәселелерін талқылау. Сот әкімшісінің басшысы А. Нұрым ұлттық қазынамыздың құндылығын, сот жүйесіндегі мемлекеттік тілді қолдану және дамыту тәртібімен, іс жүргізу бойынша құжаттарды дайындау, шығыс және ішкі құжат айналымда қазақ тілін сапалы, сауатты пайдалану тәртіптерін дұрыс қолдануды атап, тілді құрметтеумен, мәртебесін көтеру мақсаттарында айтып өтті. Сонымен қатар сот актілері мемлекеттік тілде қабылданатындықтан қоғамда атқаратын ролінің маңыздылығын, сондықтан мемлекеттік тілді тиісті дәрежеде қолдану, ерекшеліктерін сақтап жетілдіру жұмысын атқару әр қызметшінің міндеті екенін және заң талаптарын орындау қажеттігін ескеріп жеткізді. Шара соңында қатысушылар тілге қатысты мәселелер бойынша пікір алмасып, мемлекеттік тілді қолдану тәртібі орындауға алынды.
Батыс Қазақстан облысы
Ақжайық аудандық соты әкімшісінің басшысы Ақмарал Нұрым
[xfvalue_img]
