Жемқорлыққа қарсы күрес-баршаға ортақ міндет

«Сыбайлас жемқорлыққа қарсы күрес туралы» Заң талабының аясында жемқорлыққа қарсы іс-әрекеттер әр салада жүзеге асырылуда.

Сыбайлас жемқорлық ел экономикасының көтерілуіне үлкен кедергі келтіріп отырған қоғамымыздың ең басты қауіп-қатерлерінің бірі болып табылады. Сондықтанда оны болдырмау, алдын-алу мақсатында елімізде көптеген іс-шаралар жоспарлануда. Қазақстан көп ұлтты, болашағына сенімді және қарқынды дамып келе жатқан мемлекет. Алдымызда әлі талай міндеттер тұр, талай сын кезеңдерден өтуге тура келеді және сапалы нәтижеге қол жеткізуіміз қажет.

Мемлекеттік қызметтегі тұлғаларға қойылатын талап әрбір мемлекеттік қызметкердің ары да жаны да таза, сауатты және білікті, біреуге тәуелді болмайтындай жағдайда болғаны абзал. Бүгінгі күні өсіп келе жатқан жастардың сыбайлас жемқорлыққа қарсы мәдениетін арттыру маңызды мәле болып отыр. Бүгінгі балаларды, ерте бастан сыбайлас жемқорлықтың әлеуметтік індет екенін жеткізе отырып тәрбиелеу, жамандық атаулыны түбімен жоюға өз септігін тигізеді.

Ел президенті Қ.К. Тоқаевта өзінің бағдарламасында, жемқорлықтың түп-тамыры жойылғанша күрес жүргізілетіндігін жеткізді. Осылайша сыбайлас жемқорлыққа қарсы күрес мемлекет саясатының басым бағыттарының бірі ретінде айқындалды. Еліміздің қазіргі стратегиялық құжаттарды қарастыратын болсақ, олардың ең негізгісі жеті ұзақ мерзімді басымдықты көздейтін Қазақстан 2050 стратегиясы.

Стратегия мемлекеттің алдағы жылдардағы жемқорлыққа қарсы саясаттын негізгісі болып табылады. Стратегияда жемқорлық деңгейін түбегейлі қысқартуға, мемлекет қоғамнын өмірін, түрлі саладағы орын тудыратын себептермен жағдайларды жоюға, қабілетті превентивтік сипаттағы кешенді шараларды жетекші рөлін жүргізу тиіс екендігі көрсетілген.

Сот жүйесі қоғам мен бұқаралық ақпарат құралдары үшін барынша ашық, сондай-ақ, сыбайлас жемқорлыққа қарсы тақырыпта ашық есік күндері өткізіледі, судьялар мен сот қызметкерлерінің мақалалары, кездесулер, дөңгелек үстелдер, семинар сабақтары жүргізіледі.

Егер әрбір адам жемқорлықпен күресті өзінен бастаса, сыбайластықтан сырт айналар болса кеселдің адымы қысқа болар еді.

Сыбайлас жемқорлыққа қарсы жұмыс жүргізу адамның жағында моральдық қасиеттерін, парасаттылық пен адалдықты тәрбиелеуге бағыттайды.

Алия Тлемберлиева 

Батыс Қазақстан облысы қылмыстық

 істер жөніндегі мамандандырылған

ауданаралық сотынын бас маманы