Талапқа бағынбаған жауапқа тартылады
Жаңақала аудандық соты Қазақстан Республикасының Әкімшілік құқық бұзушылық туралы кодекстің 667-бабының 1-бөлігінде көзделген әкімшілік құқық бұзушылық әрекет жасаған Б-ға қатысты іс қарады.
Сотта анықталғандай, құқық бұзушы Б.алкоголь ішімдігінішкен масаң күйде полиция қызметкерлерінің қызметтік міндеттерін атқарып жүргенін біле тұра, заңды талаптарына бағынбаған.
Заңда көрсетілгендей, ӘҚБтК-нің 667-бабының 1-бөлігіне сәйкес құқық қорғау органы немесе арнаулы мемлекеттік орган, әскери полиция органы қызметкерінің (әскери қызметшісінің), сот приставының, сот орындаушысының өз қызметтік міндеттерін атқаруына байланысты заңды өкіміне немесе талабына бағынбау, сол сияқты олардың заңды қызметіне кедергі келтіру – ескерту жасауға немесе жиырма айлық есептiк көрсеткiш мөлшерінде айыппұл салуға не бес тәулiкке дейiнгі мерзімге әкiмшiлiк қамаққа алуға алып келеді.
Істегі материалдарды зерттеп, құқық бұзушыны тыңдап сот жоғрыда көрсетілген бап бойынша бір тәулікке қамаққа алды.
Қаулы заңды күшіне енген жоқ.
Жаңақала аудандық сотының баспасөз қызметі
[xfvalue_img]
12 пікір